തിരുവനന്തപുരം : ഇന്ധനവിലയിൽ ഇന്നും വർധന. തുടർച്ചയായി മൂന്നാം ദിവസമാണ് ഇപ്പോൾ ഇന്ധനവിലയിൽ വർധന തുടരുന്നത്. ഇതോടെ കേരളത്തിൽ ഗ്രാമീണ മേഖലകളിൽ പെട്രോൾ വില 90 രൂപക്ക് മുകളിലാണ്. സാധാരണക്കാരുടെ ജീവിതരീതിയിൽ തന്നെ വലിയ വെല്ലുവിളിയാണ് പ്രതിദിനം ഉയരുന്ന പെട്രോൾ വില സൃഷ്‌ടിക്കുന്നത്‌.
ഗ്രാമീണ മേഖലകൾക്കൊപ്പം തന്നെ സംസ്‌ഥാനത്തെ പ്രധാന നഗരങ്ങളിലും ഇന്ധനവില വർധന തുടരുകയാണ്. ഇന്നത്തെ വിലവർധന പ്രകാരം പെട്രോളിന് 30 പൈസയും, ഡീസലിന് 26 പൈസയുമാണ് ഉയർന്നത്. നിലവിൽ കൊച്ചിയിലെ പെട്രോൾ വില 87 രൂപ 76 പൈസയും ഡീസൽ വില 81 രൂപ 99 പൈസയുമായി ഉയർന്നു. കൂടാതെ തിരുവനന്തപുരം നഗരത്തിൽ 89 രൂപ 48 പൈസ ആണ് പെട്രോൾ വില. ഡീസൽ വില 83 രൂപ 63 പൈസ ആയും വർധിച്ചു. കഴിഞ്ഞ എട്ട് മാസത്തിനിടെ ഇന്ധനവിലയിൽ 16 രൂപയുടെ വർധനയാണ് ഉണ്ടായിട്ടുള്ളത്.
Read also : പ്രധാനമന്ത്രി ഞായറാഴ്‌ച കേരളത്തിൽ; ബിപിസിഎൽ പ്ളാന്റ് ഉൽഘാടനം ചെയ്യും
