കണ്ണൂര്: ചോക്ളേറ്റിനുള്ളിൽ സ്വര്ണം ഒളിപ്പിച്ചു കടത്താന് ശ്രമിച്ച യുവാവ് കണ്ണൂര് വിമാനത്താവളത്തില് പിടിയില്. കാസര്ഗോഡ് സ്വദേശി ഇര്ഷാദാണ് പിടിയിലായത്.
ചോക്ളേറ്റില് ഒളിപ്പിച്ച് കടത്താൻ ശ്രമിച്ച 10 ലക്ഷം രൂപ വിലവരുന്ന 193 ഗ്രാം സ്വര്ണമാണ് ഇയാളില് നിന്നും പിടിച്ചെടുത്തത്. അടുത്ത മാസങ്ങളിലായി കണ്ണൂര് വിമാനത്താവളം വഴി നടന്നുവരുന്ന സ്വര്ണക്കടത്ത് കേസുകളുടെ എണ്ണം വർധിക്കുകയാണ്. കരിപ്പൂര് വിമാനത്താവളത്തില് നടന്നതിന് സമാനമായ രീതിയില് കണ്ണൂരും സിബിഐ പരിശോധന നടത്തണമെന്ന ആവശ്യം ഉയരുന്നുണ്ട്.
പരിശോധനക്ക് കസ്റ്റംസ് അസി. കമ്മിഷണര്മാരായ ഇ വികാസ്, വെങ്കട് നായിക്, സൂപ്രണ്ടുമാരായ കെ സുകുമാരന്, സിവി മാധവന്, ഇന്സ്പെക്റ്റർമാരായ എന് അശോക് കുമാര്, കെവി രാജു, ബി യദുകൃഷ്ണ, സന്ദീപ് കുമാര്, സോനിത്ത് കുമാര് എന്നിവര് നേതൃത്വം നല്കി.
Malabar News: കാമുകിയുടെ നഗ്ന ചിത്രങ്ങൾ പ്രചരിപ്പിച്ച യുവാവ് പിടിയിൽ