കൊച്ചി: തുറമുഖം വഴി സ്വർണം കടത്തിയ കേസിൽ നാല് പേർ അറസ്‌റ്റിൽ. അൽത്താഫ്, മുഹമ്മദലി, അബ്‌ദുള്ള, ബിജു ജോൺ എന്നിവരാണ് അറസ്‌റ്റിലായത്. ഇന്നലെയാണ് തുറമുഖം വഴി കോടികളുടെ സ്വർണം കടത്താൻ ശ്രമിച്ചത്.
അറസ്‌റ്റിലായ അൽത്താഫാണ് സ്വർണം എത്തിച്ചതെന്ന് ഡിആർഐ വ്യക്‌തമാക്കി. ഏഴരക്കോടിയോളം വിലവരുന്ന 14.7 കിലോ സ്വർണമാണ് പരിശോധനക്കിടെ തുറമുഖത്തു നിന്നും പിടികൂടിയത്. മുൻപും തുറമുഖം വഴി പ്രതികൾ സ്വർണം കടത്തിയെന്നും ഡിആർഐ കണ്ടെത്തി.
ബിസ്‌ക്കറ്റ് രൂപത്തിലാക്കിയ സ്വർണം റഫ്രിജറേറ്ററിൽ ഒളിപ്പിച്ച നിലയിലായിരുന്നു കണ്ടെത്തിയത്. കണ്ടെയ്‌നറിലെ സി ബാഗേജിൽ നിന്നാണ് സ്വർണം പിടികൂടിയത്. സംഭവത്തിന്റെ പശ്‌ചാത്തലത്തിൽ കോഴിക്കോട്, മലപ്പുറം ജില്ലകളിൽ ഡിആർഐ പരിശോധന നടത്തിയിരുന്നു.
Also Read: കിടപ്പുരോഗികൾക്ക് വീട്ടിലെത്തി വാക്‌സിൻ നൽകൽ; സർക്കാരിന് നോട്ടീസയച്ച് മനുഷ്യാവകാശ കമ്മീഷൻ
