തിരുവനന്തപുരം: കിടപ്പുരോഗികൾക്ക് കോവിഡ് വാക്സിൻ അവരുടെ വീടുകളിലെത്തി നൽകണമെന്ന പരാതിയിൽ സ്വീകരിക്കാൻ കഴിയുന്ന നടപടികൾ അറിയിക്കണമെന്ന് ആവശ്യപ്പെട്ട് സർക്കാരിന് നോട്ടീസയച്ച് മനുഷ്യാവകാശ കമ്മീഷൻ.
മനുഷ്യാവകാശ പ്രവർത്തകനായ തമ്പി സുബ്രഹ്മണ്യൻ സമർപ്പിച്ച പരാതിയിലാണ് കമ്മീഷന്റെ ഇടപെടൽ. കിടപ്പുരോഗികൾ, അംഗപരിമിതർ, സാന്ത്വന ചികിൽസാ രോഗികൾ എന്നിവർക്ക് അവരവരുടെ വീട്ടിലെത്തി വാക്സിൻ നൽകണമെന്നാണ് ആവശ്യം. കേസ് മേയ് 28നാണ് പരിഗണിക്കുക.
അതേസമയം നാലാഴ്ചക്കകം ആരോഗ്യവകുപ്പ് സെക്രട്ടറിയും ആരോഗ്യവകുപ്പ് ഡയറക്ടറും റിപ്പോർട് സമർപ്പിക്കണമെന്ന് നോട്ടീസിൽ കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക്ക് വ്യക്തമാക്കി.
Read Also: കേന്ദ്രത്തിന്റെ വാക്സിൻ നയം കമ്പനികള്ക്ക് കൊള്ളലാഭത്തിന് വഴിയൊരുക്കും; മുല്ലപ്പള്ളി