തിരുവനന്തപുരം: സംസ്ഥാനത്തെ സ്കൂളുകളിലെ കോവിഡ് വാക്സിനേഷന് ഇന്ന് തുടക്കമാവും. വിദ്യാഭ്യാസ വകുപ്പിന്റെയും ആരോഗ്യവകുപ്പിന്റെയും സംയുക്ത നേതൃത്വത്തിലാണ് ഒരുക്കങ്ങള് പൂര്ത്തിയാക്കിയത്. പരമാവധി കുട്ടികളിലേക്ക് കോവിഡ് വാക്സിനേഷന് എത്തിക്കുകയാണ് ലക്ഷ്യം.
500ല് കൂടുതല് ഗുണഭോക്താക്കളുള്ള സ്കൂളുകളെ സെഷന് സൈറ്റുകളായി തിരഞ്ഞെടുത്താണ് വാക്സിനേഷന്. സ്കൂളുകളില് തയ്യാറാക്കിയ വാക്സിനേഷന് സെഷനുകള് അടുത്തുള്ള സര്ക്കാര് കോവിഡ് വാക്സിനേഷന് കേന്ദ്രങ്ങളുമായി ബന്ധിപ്പിച്ചിട്ടുണ്ട്.
രാവിലെ 9 മണി മുതല് വൈകുന്നേരം 3 മണിവരെയായിരിക്കും സ്കൂളുകളിലെ വാക്സിനേഷന് സമയം. അധ്യാപകരുമായി ബന്ധപ്പെട്ടാണ് രജിസ്ട്രേഷന് പൂര്ത്തിയാക്കേണ്ടത്. ആധാറോ സ്കൂള് ഐഡി കാര്ഡോ വാക്സിനെടുക്കാനായി കരുതണം. കുട്ടികൾക്ക് രക്ഷിതാക്കളുടെ സമ്മതത്തോടെയായിരിക്കും വാക്സിന് നല്കുക.
അതേസമയം ഇന്ന് പൊതു പ്രതിരോധ കുത്തിവെപ്പ് ദിനമായതിനാല് പകുതിയോളം സെഷനുകളില് മാത്രമേ കോവിഡ് വാക്സിന് നല്കൂ.
ഇതുവരെ സംസ്ഥാനത്ത് 15നും 18നും ഇടയിൽ പ്രായമുള്ള 55 ശതമാനം പേര്ക്കും വാക്സിന് നല്കിയിട്ടുണ്ടെന്ന് ആരോഗ്യ വകുപ്പ് അറിയിച്ചു.
Most Read: സംസ്ഥാനത്ത് ഗതാഗത നിയന്ത്രണത്തിന് സാധ്യത; നിർണായക യോഗം ഇന്ന്