തിരുവനന്തപുരം: വിദേശ രാജ്യങ്ങളില്‍ നിന്ന് വരുന്ന മലയാളികളുടെ ക്വാറന്റീന്‍ കാലയളവ് 14 ദിവസമാക്കി കുറച്ച് സംസ്ഥാന സര്‍ക്കാര്‍. മുന്‍പ് 28 ദിവസമായിരുന്നു കാലയളവ്. ഭൂരിഭാഗം പ്രവാസികള്‍ക്കും ഒരു മാസം മാത്രമാണ് ലീവ് ലഭിക്കുന്നത്. അതിനാല്‍ നേരത്തെ നിലവിലുണ്ടായിരുന്ന 28 ദിവസത്തെ കാലയളവ് പുനഃപരിശോധിക്കണമെന്ന ആവശ്യവുമായി വിവിധ പ്രവാസി സംഘടനകള്‍ സര്‍ക്കാരിന് നിവേദനം സമര്‍പ്പിച്ചിരുന്നു. ഇതിനെ തുടര്‍ന്നാണ് സംസ്ഥാന സര്‍ക്കാര്‍ പുതിയ ഉത്തരവിറക്കിയത്. സംസ്ഥാനത്തിന് പുറത്തു നിന്ന് വരുന്നവര്‍ക്കും 14 ദിവസമാണ് ക്വാറന്റീന്‍ കാലയളവ്.
