തിരുവനന്തപുരം: സംസ്ഥാനത്ത് വിനോദ സഞ്ചാര വകുപ്പിന് കീഴിലുള്ള സഞ്ചാര കേന്ദ്രങ്ങളില് മുതിര്ന്ന പൗരൻമാർക്ക് 50 ശതമാനം ഫീസ് ഇളവ് അനുവദിക്കാന് തീരുമാനിച്ചതായി വിനോദ സഞ്ചാര വകുപ്പ് മന്ത്രി പിഎ മുഹമ്മദ് റിയാസ്. വിനോദ സഞ്ചാര കേന്ദ്രങ്ങളില് എത്തുന്ന മുതിര്ന്ന പൗരൻമാര്ക്ക് ഇത് വലിയ ആശ്വാസമാകുമെന്നും മന്ത്രി പറഞ്ഞു.
വിനോദസഞ്ചാര കേന്ദ്രങ്ങളില് മുതിര്ന്ന പൗരൻമാര്ക്ക് ഇളവുകള് അനുവദിക്കണമെന്ന് മുതിര്ന്ന പൗരൻമാരും അവരുടെ ക്ഷേമത്തിനായി പ്രവര്ത്തിക്കുന്ന സംഘടനകളുമടക്കം നേരത്തെ സര്ക്കാരിനോട് ആവശ്യപ്പെട്ടിരുന്നു. നിയമസഭയുടെ കീഴിലുള്ള മുതിര്ന്ന പൗരൻമാരുടെ ക്ഷേമം സംബന്ധിച്ച സമിതിക്ക് മുന്പില് കോഴിക്കോട് ഹ്യൂമൻ റൈറ്റ്സ് ഫോറം സമര്പ്പിച്ച ഹരജിയിലും ഈ ആവശ്യം ഉന്നയിക്കപ്പെട്ടിരുന്നു.
വിനോദസഞ്ചാര വകുപ്പ് ഇക്കാര്യം പരിശോധിച്ച് വിശദമായ റിപ്പോർട് തയ്യാറാക്കി. നിയമസഭാ സമിതിയുടെ മുന്പാകെയും റിപ്പോർട് സമര്പ്പിച്ചു. വിശദമായ പരിശോധനകള്ക്ക് ശേഷമാണ് 50 ശതമാനം ഫീസ് ഇളവ് നല്കണമെന്ന് ടൂറിസം വകുപ്പ് തീരുമാനിച്ചത്.
Most Read: വിവാഹത്തിന് എത്തിയവർക്ക് സമ്മാനമായി ഹെൽമെറ്റ്; ദമ്പതികൾക്ക് കയ്യടി