കോഴിക്കോട്: ഇന്ത്യയിലെ ഏറ്റവും വലിയ സാഹിത്യ പുരസ്‌കാരങ്ങളിലൊന്നായ ജെ.സി.ബി. പുരസ്‌കാരപട്ടികയിൽ ഇടം നേടി എസ്.ഹരീഷിന്റെ ‘മീശ’. അഞ്ച് പുസ്‌തകങ്ങളുടെ ചുരുക്കപ്പട്ടികയാണ് പുറത്തുവിട്ടത്. അടുത്ത മാസം 7ന് പുരസ്‌കാര വിജയിയെ പ്രഖ്യാപിക്കും.
ഇന്ത്യൻ എഴുത്തുകാർ ഇംഗ്ളീഷിൽ എഴുതിയതോ മറ്റു ഇന്ത്യൻ ഭാഷകളിൽ നിന്ന് ഇംഗ്‌ളീഷിലേക്ക് പരിഭാഷപ്പെടുത്തിയതോ ആയ കൃതികളാണ് പുരസ്‌കാരത്തിന് പരിഗണിക്കുക. കോട്ടക്കൽ സ്വദേശിയായ ജയശ്രീ കളത്തിൽ ആണ് മീശയുടെ ഇംഗ്ളീഷ് പരിഭാഷ തയാറാക്കിയിരിക്കുന്നത്.
Read also: ജില്ലയിലെ 26 തദ്ദേശ സ്‌ഥാപനങ്ങള്‍ കൂടി ശുചിത്വ പദവിയിലേക്ക്
25 ലക്ഷം രൂപയാണ് പുരസ്‌കാരത്തുക. ബെന്യാമിന്റെ ‘മുല്ലപ്പൂ നിറമുള്ള പകലുകൾ’ എന്ന നോവലിനും മുൻപ് ജെ.സി.ബി. പുരസ്‌കാരം ലഭിച്ചിരുന്നു. 2018ലെ പുരസ്‌കാരമാണ് ‘ജാസ്‌മിൻ ഡേയ്‌സി‘ന് ലഭിച്ചത്. ജെ.സി.ബി. ലിറ്റററി ഫൗണ്ടേഷനാണ് പുരസ്‌കാരം ഏർപ്പെടുത്തിയത്.
