കോഴിക്കോട്: ഇന്ത്യയില്‍ സാഹിത്യ രചനകള്‍ക്ക് ഏറ്റവും ഉയര്‍ന്ന സമ്മാനത്തുക നല്‍കുന്ന ജെസിബി ലിറ്റററി ഫൗണ്ടേഷന്റെ ഈ വര്‍ഷത്തെ ജെസിബി പുരസ്‌കാരം എസ് ഹരീഷിന്. ‘മീശ‘ എന്ന നോവലാണ് ഹരീഷിനെ പുരസ്‌കാരത്തിന് അര്‍ഹനാക്കിയത്. 25 ലക്ഷം രൂപയാണ് പുരസ്‌കാര തുക.
‘മീശ’യുടെ ഹാര്‍പര്‍ കോളിന്‍സ് പുറത്തിറക്കിയ ‘മൂസ്‌റ്റാഷ്‘ എന്ന ഇംഗ്‌ളീഷ് പരിഭാഷക്കാണ് പുരസ്‌കാരം ലഭിച്ചത്. പുരസ്‌കാരത്തിനായി പരിഗണിക്കുക ഇന്ത്യക്കാര്‍ ഇംഗ്‌ളീഷില്‍ എഴുതിയതോ മറ്റ് ഇന്ത്യന്‍ ഭാഷകളില്‍ നിന്ന് ഇംഗ്‌ളീഷിലേക്ക് പരിഭാഷപ്പെടുത്തിയതോ ആയ കൃതികളാണ്.
‘മീശ’യുടെ ഇംഗ്‌ളീഷ് പരിഭാഷ ഒരുക്കിയത് കോട്ടക്കല്‍ സ്വദേശിയായ ജയശ്രീ കളത്തില്‍ ആണ്. പരിഭാഷപ്പെടുത്തിയ വ്യക്‌തിക്ക് 10 ലക്ഷം രൂപയും ലഭിക്കും.
Read Also: ഇന്ദിരയുമായി ഉദ്ധവിനെ താരതമ്യം ചെയ്യുന്നത് ഞങ്ങൾക്ക് അഭിമാനം; ശിവസേന
