ന്യൂഡെല്ഹി: കൊറോണ വൈറസിന്റെ അതിവേഗം പടരുന്ന പുതിയ സ്ട്രെയിന് ഇന്ത്യയിലും റിപ്പോര്ട്ട് ചെയ്തു. ബ്രിട്ടനില് നിന്നും തിരിച്ചെത്തിയ ആറ് പേരിലാണ് പുതിയ സ്ട്രെയിന് കണ്ടെത്തിയത്. ജനിതകമാറ്റം വന്ന പുതിയ കൊറോണ വൈറസ് 70 ശതമാനം വ്യാപന ശേഷി കൂടുതലുള്ളവയാണ്.
ബ്രിട്ടനു പിന്നാലെ ഡെന്മാര്ക്ക്, ഓസ്ട്രേലിയ, ഇറ്റലി, നെതര്ലാന്റ്സ് തുടങ്ങിയ രാജ്യങ്ങളിലും വൈറസിന്റെ പുതിയ വകഭേദം കണ്ടെത്തിയിരുന്നു. ഏറ്റവും ഒടുവിലായി സൗത്ത് കൊറിയയിലാണ് പുതിയ സ്ട്രെയിന് വൈറസ് കണ്ടെത്തിയത്.
ജനിതക മാറ്റം സംഭവിച്ച കൊറോണ വൈറസുമായി ബന്ധപ്പെട്ട റിപ്പോര്ട്ടുകള് പുറത്തുവന്നതിന് പിന്നാലെ ഇന്ത്യ ബ്രിട്ടനില് നിന്നുള്ളവര്ക്ക് യാത്രാ നിയന്ത്രണം ഏര്പ്പെടുത്തിയിരുന്നു. നിയന്ത്രണങ്ങള് തുടരുന്നതിനിടെയാണ് ജനിതകമാറ്റം വന്ന പുതിയ വൈറസ് സ്ട്രെയിന് ഇന്ത്യയിലും കണ്ടെത്തിയത്.
Read also: കോവിഡ് വ്യാപനം; മാര്ഗ നിര്ദേശങ്ങള് ജനുവരി 31 വരെ നീട്ടി കേന്ദ്രം