അങ്കമാലി: ഹണിട്രാപ്പിന്റെ പേരിൽ ഭീഷണിപ്പെടുത്തി പണം തട്ടാൻ ശ്രമം. മഞ്ഞപ്ര സ്വദേശിയായ മധ്യവയസ്കന് നേരെയാണ് അക്രമമുണ്ടായത്. ഇയാളെ വിളിച്ചുവരുത്തി പണം ആവശ്യപ്പെടുകയും വിസമ്മതിച്ചപ്പോൾ മർദ്ദിച്ച് അവശനാക്കുകയും ചെയ്തു. പണം നൽകിയില്ലെങ്കിൽ ഹണിട്രാപ്പിൽ പെടുത്തുമെന്നായിരുന്നു ഭീഷണി.
സംഭവത്തിൽ അയ്യമ്പുഴ സ്വദേശിയായ യുവാവിനെ പോലീസ് അറസ്റ്റ് ചെയ്തു. അയ്യമ്പുഴ കൂട്ടാല വീട്ടില് നിഖില് (25) ആണ് അറസ്റ്റിലായത്. മുൻപ് മറ്റൊരു കേസിൽ കാപ്പ ചുമത്തപ്പെട്ട പ്രതി നിഖിൽ അടുത്തിടെയാണ് പുറത്തിറങ്ങിയത്. ഇയാളുടെ പേരിൽ നിരവധി കേസുകൾ വിവിധ സ്റ്റേഷനുകളിൽ രജിസ്റ്റർ ചെയ്തിട്ടുണ്ട്.
പത്ത് ലക്ഷം രൂപയോളമാണ് ഇയാൾ മധ്യവയസ്കനോട് ആവശ്യപ്പെട്ടതെന്ന് പോലീസ് പറയുന്നു. സംഭവത്തിൽ വിശദമായ അന്വേഷണം നടക്കുകയാണ്. കേസിൽ കൂടുതൽ പേർ ഉൾപെട്ടിട്ടുണ്ടോ എന്നും പോലീസ് അന്വേഷിക്കും. പ്രതികൾ ഉടൻ പിടിയിലാകുമെന്ന് എസ്പി കാർത്തിക് പറഞ്ഞു.
Also Read: കോവിഡ് ഡ്യൂട്ടിയിൽ നിന്നും അധ്യാപകരെ ഒഴിവാക്കണം; വിദ്യാഭ്യാസ വകുപ്പ്