പാലക്കാട്: ലോക്ക്ഡൗണിന്റെ മറവിൽ നടത്തിയ അനധികൃത മണ്ണ് ഖനനം റവന്യൂ ഉദ്യോഗസ്ഥർ തടഞ്ഞു. ആലത്തൂർ വാഴക്കോട് പ്രധാന പാതയുടെ സമീപം കാവശ്ശേരി ചുണ്ടക്കാടുള്ള പറമ്പിൽ നിന്നുമാണ് മണ്ണ് കടത്തിയിരുന്നത്. ദിവസങ്ങളായി ജെസിബിയും മൂന്ന് ടിപ്പറും ഉപയോഗിച്ചായിരുന്നു കടത്തൽ.
നിയമ ലംഘനത്തിനെതിരെ പരാതി ഉയർന്നതോടെ ശനിയാഴ്ച ആലത്തൂർ താലൂക്കോഫിസ് ഉദ്യോഗസ്ഥർ സ്ഥലത്തെത്തിയാണ് മണ്ണ് ഖനനം നിർത്താൻ ഉത്തരവ് നൽകിയത്. തുടർനടപടിക്കായി കേസ് മൈനിങ് ആൻഡ് ജിയോളജി വിഭാഗത്തിന് കൈമാറി.
Malabar News: സ്മാരക നിർമാണം; സര്ക്കാര് കരുതലും ഔചിത്യവും കാണിക്കണമെന്ന് കെകെ രമ