ന്യൂഡെല്ഹി: ഡോക്ടര്മാര്ക്ക് എതിരെയുള്ള ആക്രമണം തടയാന് പ്രധാനമന്ത്രി ഇടപെടണമെന്ന് ഇന്ത്യന് മെഡിക്കല് അസോസിയേഷന്. കോവിഡിനെ കുറിച്ച് വ്യാപകമായി വ്യാജവാര്ത്തകള് പ്രചരിക്കുകയാണെന്നും പലയിടങ്ങളിലും മുന്നിര പ്രവര്ത്തകരായ ഡോക്ടര്മാര് ആക്രമണത്തിന് ഇരയാവുന്നു എന്നും ഐഎംഎ വ്യക്തമാക്കി. ഇക്കാര്യം ചൂണ്ടിക്കാട്ടി കേന്ദ്ര ആഭ്യന്തമന്ത്രിക്കും ഐഎംഎ കത്തയച്ചിരുന്നു.
കോവിഡ് ബാധിച്ച് ഏകദേശം 1400ഓളം ഡോക്ടര്മാരാണ് മരണത്തിന് കീഴടങ്ങിയതെന്ന് ഐഎംഎ പറഞ്ഞു. ചില ആളുകള് വാക്സിന്റെ വിശ്വാസ്യതയെ സംബന്ധിച്ച് വ്യാജ വാര്ത്തകള് പ്രചരിപ്പിക്കുന്നു എന്നും ഇക്കാര്യത്തിൽ പ്രധാനമന്ത്രി ഇടപെടണമെന്നും ഐഎംഎ ആവശ്യപ്പെട്ടു.
അസമില് കോവിഡ് രോഗി മരിച്ചതിന് പിന്നാലെ ബന്ധുക്കള് ഡോക്ടറെ മര്ദ്ദിച്ചതായി കഴിഞ്ഞ ദിവസം വാർത്ത പുറത്തു വന്നിരുന്നു. ഇതേ തുടർന്നാണ് ഐഎംഎ നടപടി.
Read also: കോവിഡ് കർഫ്യൂ; ആന്ധ്രാപ്രദേശിൽ ജൂൺ 20 വരെ നീട്ടി