പാലക്കാട്: മൂന്ന് സഹോദരങ്ങൾ പാറക്കുളത്തിൽ മുങ്ങിമരിച്ചു. പാലക്കാട് കുനിശ്ശേരിയിൽ ആണ് സംഭവം. പാറക്കുളത്തിന് സമീപം കളിക്കുകയായിരുന്ന കുട്ടികളാണ് ദുരന്തത്തിൽ പെട്ടത്. കരിയക്കാട് ജസീറിന്റെ മക്കളായ ജിൻഷാദ് (12), റിൻഷാദ് (7), റിഫാസ് (3) എന്നിവരാണ് മുങ്ങി മരിച്ചത്. മൃതദേഹങ്ങൾ ആലത്തൂരിലെ സ്വകാര്യ ആശുപത്രിയിലേക്ക് മാറ്റി.
കുനിശ്ശേരിയിലെ ഒരു പള്ളിക്ക് സമീപം കളിക്കുകയായിരുന്നു ഇവർ. കളിക്കുന്നതിനിടെ കയ്യിൽ പറ്റിയ അഴുക്ക് കഴുകിക്കളയാനായി തൊട്ടടുത്തുള്ള കുളത്തിലേക്ക് ഇറങ്ങാൻ ശ്രമിച്ചതായിരുന്നു. ഇവർ കുളത്തിലേക്ക് വീഴുന്നത് കണ്ട മറ്റൊരു കുട്ടി നാട്ടുകാരെ വിളിച്ചു കൂട്ടുകയായിരുന്നു. എന്നാൽ ആളുകൾ എത്തുമ്പോഴേക്ക് ഇവരുടെ മരണം സംഭവിച്ചിരുന്നു.
Read Also: ഭാരതപ്പുഴയിൽ തടയണ നിർമ്മാണം; ഇന്ന് പൂർത്തിയാകും