തിരുവനന്തപുരം: തൊഴിലുറപ്പ് പദ്ധതിയുടെ വേതനം പുതുക്കാന് ധാരണയായി. കൂലിയില് 20 രൂപയുടെ വര്ധനവാണ് ഉണ്ടാവുക. കേരളം, ഹരിയാന, ഗോവ, ഉള്പ്പടെയുള്ള പത്ത് സംസ്ഥാനങ്ങളിലാണ് തൊഴിലുറപ്പ് കൂലി പുതുക്കി നിശ്ചയിച്ചത്.
നിലവിലുള്ള കൂലിയില് അഞ്ച് ശതമാനത്തിലധികം തുകയുടെ വര്ധനവാണ് ഉണ്ടായിട്ടുള്ളത്. ഇതോടെയാണ് ആകെ തുകയില് മെച്ചപ്പെട്ട വര്ധനവ് ഉണ്ടായത്.
കേരളത്തില് ഇപ്പോഴുള്ള 291 രൂപയായ ദിവസക്കൂലിയില് വര്ധനവ് വരുന്നതോടെ 311 രൂപയായി ഉയരും. നേരത്തെ ഹരിയാനയില് മാത്രമാണ് 300 രൂപയ്ക്ക് മുകളില് കൂലിയുണ്ടായിരുന്നത്. 331 രൂപയാണ് ഹരിയാനയിലെ പുതുക്കിയ നിരക്ക്.
അതേസമയം ഏറ്റവും കുറവ് കൂലി ലഭിക്കുന്നത് മധ്യപ്രദേശിലും ഛത്തീസ്ഖഢിലുമാണ്. ഇരു സംസ്ഥാനങ്ങളിലും 204 രൂപയാണ് ദിവസക്കൂലി. ബിഹാറില് 210 രൂപയാണ് ലഭിക്കുന്നത്. മണിപ്പൂര് ,തൃപുര, മിസോറം തുടങ്ങിയ സംസ്ഥാനങ്ങളില് വര്ധനവ് ഉണ്ടായിട്ടില്ല.
Most Read: ‘ഇരുണ്ട കാലത്തേക്ക് മടക്കമില്ല’; മൻസിയയ്ക്ക് വേദി ഒരുക്കാൻ ഡിവൈഎഫ്ഐ