കൊച്ചി: ട്രാൻസ്ജെൻഡർ സജന ഷാജിയെ ആക്രമിച്ച കേസില് എരൂര് സ്വദേശി ഗിരീഷ് പിടിയിലായി. സംസ്ഥാന ട്രാൻസ്ജെൻഡർ സംരക്ഷണ നിയമപ്രകാരമാണ് ഇയാള്ക്കെതിരെ കേസെടുത്തിരിക്കുന്നത് കേസില് വേറെയും പ്രതികള് ഉള്പ്പെട്ടതായാണ് റിപ്പോര്ട്ട്. കഴിഞ്ഞ ദിവസമാണ് സാമൂഹ്യ വിരുദ്ധരുടെ ആക്രമണത്തില് സഹായം ചോദിച്ചുകൊണ്ട് സജന ചെയ്ത വീഡിയോ ഓണ്ലൈന് മാദ്ധ്യമങ്ങളില് പ്രചരിച്ചത്. സജനക്കും സുഹൃത്തുക്കള്ക്കും സാമൂഹ്യ വിരുദ്ധരില് നിന്നും ആക്രമണം നേരിട്ട സംഭവത്തില് നടപടിയെടുക്കുന്നതിന് ഉത്തരവിട്ടതായി ആരോഗ്യമന്ത്രി കെ കെ ശൈലജ പറഞ്ഞിരുന്നു. യുവജന കമ്മീഷന് സ്വമേധയാ കേസ് എടുക്കുന്നതായി കമ്മീഷന് അധ്യക്ഷ ചിന്താ ജെറോമും വ്യക്തമാക്കിയിരുന്നു.
Read also: ട്രാന്സ്ജെന്ഡര് യുവതിയെ ആക്രമിച്ച സംഭവം; യുവജന കമ്മീഷന് കേസെടുത്തു