ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 39,742 പേർക്കുകൂടി കോവിഡ് രോഗബാധ സ്ഥിരീകരിച്ചതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. ഇതോടെ രാജ്യത്ത് റിപ്പോർട് ചെയ്യപ്പെട്ട ആകെ കോവിഡ് കേസുകളുടെ എണ്ണം 3,13,71,901 ആയി.
39,972 പേരാണ് രാജ്യത്ത് 24 മണിക്കൂറിനിടെ രോഗമുക്തി നേടിയത്. അതേസമയം 535 മരണങ്ങളും രാജ്യത്ത് റിപ്പോർട് ചെയ്തിട്ടുണ്ട്.
നിലവിൽ 4,08,212 സജീവ കേസുകളാണ് രാജ്യത്തുള്ളത്. ഇതുവരെ 3,05,43,138 ആളുകളാണ് കോവിഡിൽ നിന്നും മുക്തി നേടിയത്. 4,20,551 പേർക്ക് കോവിഡ് മൂലം ജീവൻ നഷ്ടമായി.
അതേസമയം രാജ്യത്തുടനീളം വാക്സിനേഷനും പുരോഗമിക്കുകയാണ്. 43,31,50,864 ഡോസ് വാക്സിൻ ഡോസുകളാണ് ഇതുവരെ വിതരണം ചെയ്തതെന്ന് ആരോഗ്യ മന്ത്രാലയത്തിന്റെ കണക്കുകൾ വ്യക്തമാക്കുന്നു. കൂടാതെ 11,79,010 ഡോസുകൾ കൂടി ലഭ്യമായിട്ടുണ്ടെന്നും മന്ത്രാലയം അറിയിച്ചു.
Most Read: വീടിന്റെ വേലി പൊളിച്ചു, ഡിഷ് ആന്റിന തകർത്തു; അയൽവാസിക്കെതിരെ പരാതിയുമായി കുണ്ടറയിലെ യുവതി