ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 975 പുതിയ കോവിഡ്-19 കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ ആകെ കൊറോണ വൈറസ് ബാധിതരുടെ എണ്ണം 4,30,40,947 ആയി.
പ്രതിദിന പോസിറ്റിവിറ്റി നിരക്ക് 0.32 ശതമാനവും പ്രതിവാര പോസിറ്റിവിറ്റി നിരക്ക് 0.26 ശതമാനവുമാണെന്നും മന്ത്രാലയം അറിയിച്ചു.
നിലവിൽ 11,366 സജീവ കേസുകളാണ് രാജ്യത്തുള്ളത്. ഇത് മൊത്തം കോവിഡ് കേസുകളുടെ 0.03 ശതമാനമാണ്.
കഴിഞ്ഞ 24 മണിക്കൂറിനുള്ളിൽ രാജ്യത്ത് നാല് കോവിഡ് മരണങ്ങളും റിപ്പോർട് ചെയ്തിട്ടുണ്ട്. ആരോഗ്യ മന്ത്രാലയത്തിന്റെ കണക്കനുസരിച്ച്, രാജ്യത്തെ മൊത്തം കോവിഡ് മരണസംഖ്യ 5,21,747 ആണ്.
അതേസമയം 796 പേരാണ് കഴിഞ്ഞ ദിവസം രോഗമുക്തി നേടിയത്. ഇതുവരെ 4,25,07,834 പേർ രാജ്യത്ത് കോവിഡിൽ നിന്നും മുക്തി നേടിയിട്ടുണ്ട്. രോഗമുക്തി നിരക്ക് 98.76 ശതമാനമായി തുടരുകയാണെന്നും ആരോഗ്യ മന്ത്രാലയം അറിയിച്ചു.
Most Read: പാകിസ്ഥാനി ഗാനം കേട്ടു; യുപിയിൽ മുസ്ലിം കുട്ടികൾക്കെതിരെ കേസ്