ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 2,593 പുതിയ കൊറോണ വൈറസ് കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ ആകെ കോവിഡ് കേസുകളുടെ എണ്ണം 4,30,57,545 ആയി ഉയർന്നു.
44 പേർക്കാണ് കോവിഡ് മൂലം 24 മണിക്കൂറിനിടെ ജീവൻ നഷ്ടമായത്. ഇതോടെ രാജ്യത്തെ ആകെ കോവിഡ് മരണസംഖ്യ 5,22,193 ആയി.
നിലവിൽ 15,873 സജീവ കേസുകളാണ് രാജ്യത്തുള്ളത്. മൊത്തം കേസുകളുടെ 0.04 ശതമാനമാണിത്. 24 മണിക്കൂറിനുള്ളിൽ 794 കേസുകളുടെ വർധനവാണ് സജീവ കേസുകളിൽ ഉണ്ടായത്.
അതേസമയം രാജ്യത്തെ രോഗമുക്തി നിരക്ക് 98.75 ശതമാനമാണെന്നും ആരോഗ്യ മന്ത്രാലയം അറിയിച്ചു.
Most Read: ശങ്കരനാരായണന്റെ മരണം; തിങ്കളാഴ്ച വൈകിട്ട് 5.30ന് സംസ്കാരം, അനുശോചിച്ച് നേതാക്കൾ