മുംബൈ: ആഗോള വിപണികളിൽ നിന്നുള്ള ശുഭവാർത്തകൾ രാജ്യത്തെ വിപണിയിലും വ്യാപാര ആഴ്ചയുടെ തുടക്കത്തിൽ ഉണർവുണ്ടാക്കി. സെൻസെക്സ് 230 പോയിന്റ് നേട്ടത്തിൽ 60,917ലും നിഫ്റ്റി 73 പോയിന്റ് ഉയർന്ന് 18,176ലുമാണ് വ്യാപാരം ആരംഭിച്ചത്.
ഏഷ്യൻ പെയിന്റ്സ്, കൊട്ടക് മഹീന്ദ്ര ബാങ്ക്, എച്ച്ഡിഎഫ്സി ബാങ്ക്, ആക്സിസ് ബാങ്ക്, ഇൻഡസിൻഡ് ബാങ്ക്, മാരുതി സുസുകി, ഐടിസി, ടൈറ്റാൻ, എസ്ബിഐ, എൽആന്റ്ടി, ഐസിഐസിഐ ബാങ്ക്, സൺ ഫാർമ തുടങ്ങിയ ഓഹരികളാണ് നേട്ടത്തിൽ. റിലയൻസ്, ഭാരതി എയർടെൽ, ടെക് മഹീന്ദ്ര തുടങ്ങിയ ഓഹരികൾ നഷ്ടത്തിലുമാണ് വ്യാപാരം നടത്തുന്നത്.
ആഗോള തലത്തിൽ പണപ്പെരുപ്പം ഉയരുന്നത് വിപണിക്ക് ഭീഷണിയാണെങ്കിലും രാജ്യത്ത് പെട്രോൾ, ഡീസൽ വില കുറച്ചത് ആശ്വാസമാകുമെന്ന വിലയിരുത്തലിലാണ് നിക്ഷേപകർ. നിഫ്റ്റി ഓട്ടോ, ബാങ്ക് സൂചികകൾ ഒരു ശതമാനത്തോളം നേട്ടത്തിലാണ് വ്യാപാരം നടത്തുന്നത്.
Read Also: ആ സുവർണ നാളുകൾ തിരികെ തരാൻ ‘കുഞ്ഞെല്ദോ’ വരുന്നു; ശ്രദ്ധനേടി ടീസർ