ന്യൂഡെൽഹി: 24 മണിക്കൂറിനിടെ രാജ്യത്ത് 16,311 പുതിയ കോവിഡ് കേസുകൾ കൂടി റിപ്പോർട്ട് ചെയ്‌തു. 161 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. കേന്ദ്ര ആരോഗ്യമന്ത്രാലയം പുറത്തുവിട്ട കണക്കുകൾ പ്രകാരം, 12,299 പേർ കോവിഡ് മുക്‌തി നേടുകയും ചെയ്‌തു.
1,04,66,595 പേരാണ് ഇതുവരെ രാജ്യത്ത് കോവിഡ് ബാധിതരായത്. ഇതിൽ 2,22,526 പേർ വിവിധ ആശുപത്രികളിൽ ചികിൽസയിൽ തുടരുകയാണ്. 1,00,92,909 പേർ ആകെ കോവിഡ് മുക്‌തരായി. 1,51,160 പേരാണ് ഇതുവരെ കോവിഡ് ബാധിച്ച് മരിച്ചത്. 18,17,55,831 സാംപിൾ പരിശോധനകളാണ് ഇന്നലെ വരെ രാജ്യത്ത് നടത്തിയത്. ഇന്നലെ മാത്രം 6,59,209 സാംപിളുകൾ പരിശോധിച്ചു.
അതേസമയം, കോവിഡ് വാക്‌സിൻ വിതരണം ആരംഭിക്കുന്നതിന് മുന്നോടിയായി പ്രധാനമന്ത്രി നരേന്ദ്ര മോദി മുഖ്യമന്ത്രിമാരുമായി ഇന്ന് ചർച്ച നടത്തും. ചർച്ചയിൽ വാക്‌സിൻ വിതരണത്തിനായി സംസ്‌ഥാനങ്ങൾ നടത്തിയ തയ്യാറെടുപ്പുകളും വിലയിരുത്തും.
Read also: കോവിഡ് പരിശോധന 10 ലക്ഷം കടന്ന് കോഴിക്കോട് ജില്ല
