ന്യൂഡെൽഹി: കോവിഷീൽഡ് വാക്സിനുകൾ ബംഗ്ളാദേശിലേക്കും നേപ്പാളിലേക്കും ഇന്ത്യ കയറ്റിഅയച്ചു. വിദേശകാര്യ മന്ത്രാലയം വക്താവ് അനുരാഗ് ശ്രീവാസ്തവയാണ് ഇക്കാര്യം ട്വിറ്ററിലൂടെ അറിയിച്ചത്.
‘അടുത്ത സ്റ്റോപ്പ് ബംഗ്ളാദേശ്! ഇന്ത്യൻ നിർമ്മിത കോവിഡ് വാക്സിനുകൾ ബംഗ്ളാദേശിലേക്ക് കൊണ്ടുപോകുന്നു’, അദ്ദേഹം ട്വീറ്റ് ചെയ്തു.
Next stop Bangladesh!
Consignment of Indian made Covid vaccines takes off for Bangladesh!#VaccineMaitri#NeighbourhoodFirst pic.twitter.com/su3AEsErI3
— Anurag Srivastava (@MEAIndia) January 21, 2021
സെറം ഇൻസ്റ്റിറ്റ്യൂട്ട് ഓഫ് ഇന്ത്യയുടെ കോവിഷീൽഡ് വാക്സിന്റെ 2 ദശലക്ഷം ഡോസുകളാണ് മുംബൈയിലെ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളത്തിൽ നിന്നും ബംഗ്ളാദേശിലെ ധാക്കയിലേക്ക് കയറ്റി അയച്ചത്.
മാത്രവുമല്ല ഒരു ദശലക്ഷം ഡോസ് വാക്സിനുകൾ നേപ്പാളിലേക്ക് ഇന്ത്യ അയച്ചതായും ശ്രീവാസ്തവ വ്യക്തമാക്കി.
Day 2 of #VaccineMaitri
Consignment of Made in India Covid vaccines takes off for Nepal!#NeighbourhoodFirst pic.twitter.com/kspi5VyqlH
— Anurag Srivastava (@MEAIndia) January 21, 2021
മാലിദ്വീപിലേക്കും ഭൂട്ടാനിലേക്കും ബുധനാഴ്ച ഇന്ത്യ വാക്സിനുകൾ അയച്ചിരുന്നു. ഭൂട്ടാൻ, മാലിദ്വീപ്, ബംഗ്ളാദേശ്, നേപ്പാൾ, മ്യാൻമർ, സീഷെൽസ് എന്നിവിടങ്ങളിൽ ബുധനാഴ്ച മുതൽ വാക്സിൻ ലഭ്യമാക്കുമെന്ന് ഇന്ത്യയുടെ വിദേശകാര്യ മന്ത്രാലയം നേരത്തെ അറിയിച്ചിരുന്നു.
കോവിഡ് മഹാമാരിയുടെ ആദ്യ ഘട്ടത്തിൽ തന്നെ ഡയാഗ്നോസ്റ്റിക് കിറ്റുകൾ, വെന്റിലേറ്ററുകൾ, മാസ്കുകൾ, കയ്യുറകൾ തുടങ്ങി മരുന്നുകളടക്കമുള്ള നിരവധി മെഡിക്കൽ സാധനങ്ങൾ പല രാജ്യങ്ങൾക്കും ഇന്ത്യ നൽകിയിരുന്നു.
Read Also: ബിജെപി സംസ്ഥാന നേതാക്കളെ വിശ്വസിക്കാൻ സാധിക്കില്ല; മേജർ രവി