തിരുവനന്തപുരം: സ്ത്രീകള്ക്കെതിരെ യൂ ട്യൂബ് വീഡിയോയിലൂടെ അശ്ലീല പരാമര്ശം നടത്തിയ വിജയ് പി നായര്ക്കെതിരെ വീണ്ടും പരാതി. യൂ ട്യൂബ് വീഡിയോയിലൂടെ സൈനികരെയും അപമാനിച്ചു എന്നാണ് പരാതി. തിരുവനന്തപുരത്തുള്ള സൈനിക സംഘടനയാണ് പരാതിയുമായി രംഗത്തെത്തിയത്. സൈനികരെ അപമാനിച്ചു എന്ന് പറയപ്പെടുന്ന വീഡിയോ സംഘടന മുഖ്യമന്ത്രിക്കും ഡിജിപിക്കും കൈമാറി.
Related News: വിജയ് പി നായരുടെ അശ്ലീല പരാമര്ശമുള്ള വീഡിയോ നീക്കം ചെയ്ത് യൂട്യൂബ്
അതിര്ത്തിയില് കഴിയുന്നതിനാല് സ്ത്രീ സാമീപ്യം ഇല്ലാത്തവരാണ് സൈനികരെന്ന് വീഡിയോയിലൂടെ വിജയ് പി നായര് പറയുന്നു. അതിനാല്, പല തരത്തിലുള്ള വൈകൃതങ്ങള്ക്ക് സൈനികര് അടിമകളാണെന്നും അയാള് ആരോപിച്ചു.
തുടര്ന്ന്, വിജയ് പി നായരുടെ അക്കൗണ്ട് യൂ ട്യൂബ് നീക്കം ചെയ്തു. സ്ത്രീ വിരുദ്ധ പരാമര്ശം നടത്തിയ വീഡിയോ പോലീസ് ആവശ്യപ്പെട്ടതിനെ തുടര്ന്ന് നേരത്തെ തന്നെ നീക്കം ചെയ്തിരുന്നു. ഐടി ആക്ട് 67, 67(A) എന്നീ ജാമ്യമില്ലാ വകുപ്പുകളാണ് ഇയാള്ക്കെതിരെ ചുമത്തിയിരിക്കുന്നത്.