ന്യൂഡെൽഹി: രാജ്യത്ത് അന്താരാഷ്ട്ര വിമാന സർവീസുകൾക്കുള്ള വിലക്ക് ഫെബ്രുവരി 28ആം തീയതി വരെ നീട്ടി. കോവിഡ് വ്യാപനം ഉയരുന്ന പശ്ചാത്തലത്തിലാണ് വിലക്ക് നീട്ടാൻ ഡിജിസിഐ തീരുമാനിച്ചത്. അതേസമയം രാജ്യത്തെ മിക്ക സംസ്ഥാനങ്ങളിലും രോഗവ്യാപനം ഉയരുന്നതിനാൽ കടുത്ത നിയന്ത്രണങ്ങളിലേക്ക് കടക്കുകയാണ്.
ദക്ഷിണേന്ത്യൻ സംസ്ഥാനങ്ങളിൽ കോവിഡിന്റെ അതിതീവ്ര വ്യാപനം നടക്കുന്നതായാണ് കണക്കുകൾ വ്യക്തമാക്കുന്നത്. കഴിഞ്ഞ ദിവസങ്ങളിൽ കർണാടക, തമിഴ്നാട് എന്നീ സംസ്ഥാനങ്ങളിൽ റിപ്പോർട് ചെയ്ത കോവിഡ് കണക്കുകൾ വളരെ ഉയർന്നതാണ്.
രാജ്യത്ത് കഴിഞ്ഞ 24 മണിക്കൂറിനിടെ 2,82,970 പേർക്കാണ് കോവിഡ് സ്ഥിരീകരിച്ചത്. 15.13 ശതമാനമാണ് നിലവിലെ കോവിഡ് ടെസ്റ്റ് പോസിറ്റിവിറ്റി നിരക്ക്. കൂടാതെ കോവിഡ് ബാധിച്ച് ചികിൽസയിൽ കഴിയുന്ന ആളുകളുടെ എണ്ണം 18 ലക്ഷത്തിലധികമായും ഉയർന്നു.
Read also: കെ റെയിൽ; അങ്കമാലിയിൽ സ്ഥല പരിശോധനക്ക് എത്തിയ ഉദ്യോഗസ്ഥരെ നാട്ടുകാർ തടഞ്ഞു