കോവിഡ് വാക്‌സിന്റെ രണ്ട് ഡോസും സ്വീകരിച്ചു കഴിഞ്ഞാൽ സർക്കാരിന്റെ വാക്‌സിനേഷൻ സർട്ടിഫിക്കറ്റ് ലഭ്യമാകും. ചില സാഹചര്യങ്ങളിൽ ഈ സർട്ടിഫിക്കറ്റിൽ രേഖപ്പെടുത്തിയിരിക്കുന്ന വിവരങ്ങളിൽ തെറ്റ് സംഭവിച്ചേക്കാം. അങ്ങനെ വന്നാൽ, തെറ്റ് തിരുത്താനുള്ള മാർഗം ഇപ്പോൾ കോവിൻ വെബ്‌സൈറ്റിൽ ലഭ്യമാണ്. ആദ്യം വാക്‌സിൻ സർട്ടിഫിക്കറ്റിൽ തെറ്റ് വന്നാൽ തിരുത്താൻ മാർഗമില്ലായിരുന്നു. ഈ കുറവ് ഇപ്പോൾ പരിഹരിച്ചിരിക്കുകയാണ് വെബ്‌സൈറ്റ്.
തിരുത്തേണ്ടത് എങ്ങനെ?
- ആദ്യം https://www.cowin.gov.in എന്ന വെബ്‌സൈറ്റ് സന്ദർശിക്കുക.
- നിങ്ങളുടെ പത്ത് അക്ക മൊബൈൽ നമ്പർ നൽകി വേണം സൈൻ ഇൻ ചെയ്യാൻ. തുടർന്ന് വരുന്ന ആറ് ഡിജിറ്റ് ഒടിപി കൂടി നൽകുക.
- ശേഷം ‘വേരിഫൈ ആന്റ് പ്രൊസീഡ്’ എന്ന ടാബിൽ ക്ളിക്ക് ചെയ്യണം.
- തുടർന്ന് ‘ അക്കൗണ്ട് ഡീറ്റെയിൽസ്’ എന്ന ടാബിൽ ക്ളിക്ക് ചെയ്‌ത്‌ ‘റെയ്‌സ് ആൻ ഇഷ്യു’ എന്ന ഓപ്ഷൻ തിരഞ്ഞെടുക്കുക.
- ഇതിൽ ‘വാട്ട് ഇസ് ദ ഇഷ്യു’ എന്ന് ചോദിക്കുന്ന ഭാഗത്ത് ‘കറക്ഷൻ സർട്ടിഫിക്കറ്റ്’ എന്ന ഓപ്ഷനിൽ ക്ളിക്ക് ചെയ്യുക.
- മാറ്റങ്ങൾ വരുത്തിയ ശേഷം ‘കണ്ടിന്യൂ’ എന്ന ഓപ്ഷനിൽ ക്ളിക്ക് ചെയ്‌ത്‌ ‘സബ്‌മിറ്റ്’ എന്ന് കൂടി നൽകി പ്രക്രിയ പൂർത്തിയാക്കാം.
പേര്, ജനന തീയതി, ലിംഗം എന്നിവയിൽ ഏതെങ്കിലും രണ്ട് വിഭാഗത്തിൽ മാത്രമേ മാറ്റങ്ങൾ വരുത്താൻ സാധിക്കൂ. ശ്രദ്ധിക്കുക; ഒരു തവണ മാറ്റം വരുത്തിയാൽ പിന്നീട് ഒരിക്കലും മാറ്റം വരുത്താൻ സാധിക്കില്ല.
Most Read: ‘വ്യവസായ സ്‌ഥാപനങ്ങളിൽ മിന്നൽ പരിശോധന വേണ്ട’; ‘കിറ്റെക്‌സി’ൽ പ്രതികരണവുമായി മന്ത്രി
