പനാജി: ഐഎസ്എല്ലിൽ ഇന്ന് ആവേശപ്പോരാട്ടം. തിലക് മൈതാൻ സ്റ്റേഡിയത്തിൽ നടക്കുന്ന മൽസരത്തിൽ എസ്സി ഈസ്റ്റ് ബംഗാൾ ഹൈദരാബാദ് എഫ്സിയെ നേരിടും. 11 മൽസരങ്ങൾ നീണ്ട കാത്തിരിപ്പിന് ശേഷം ഈസ്റ്റ് ബംഗാൾ സീസണിലെ അവരുടെ ആദ്യ വിജയം നേടിയത് കഴിഞ്ഞ കളിയിലാണ്. എഫ്സി ഗോവയെ 2-1നാണ് അവർ തോൽപിച്ചത്. നവോറെം സിംഗിന്റെ മിന്നും പ്രകടനത്തിന്റെ പിൻബലത്തിലായിരുന്നു ജയം പിറന്നത്.
11 ടീമുകളുടെ പട്ടികയിൽ എസ്സി ഈസ്റ്റ് ബംഗാൾ ഇപ്പോൾ ഒരു സ്ഥാനം ഉയർന്ന് 10ആമതാണ്. അതേസമയം, 17 പോയിന്റുമായി പോയിന്റ് പട്ടികയിൽ നാലാം സ്ഥാനത്താണ് ഹൈദരാബാദ്. നാല് കളികൾ ജയിച്ചപ്പോൾ രണ്ടെണ്ണം തോൽക്കുകയും അഞ്ച് സമനില വഴങ്ങുകയും ചെയ്ത അവർ സീസണിൽ പ്ളേ ഓഫ് പ്രതീക്ഷ നിലനിർത്താൻ ജയം തേടിയാണ് ഇന്ന് ഇറങ്ങുന്നത്. ഇരുടീമുകളും അവസാനമായി ഏറ്റുമുട്ടിയപ്പോൾ 1-1ന്റെ സമനിലയായിരുന്നു ഫലം.
Read Also: മൂന്നാം തരംഗത്തെ നേരിടുന്നതിൽ ആരോഗ്യവകുപ്പ് സുസജ്ജം; ആരോഗ്യ മന്ത്രി