പനാജി: ഇന്ത്യൻ സൂപ്പർ ലീഗിൽ ഇന്നത്തെ മൽസരത്തിൽ പോയിന്റ് പട്ടികയിൽ ഒന്നാമതുള്ള ഹൈദരാബാദ് എഫ്‌സി നോർത്ത് ഈസ്‌റ്റ് യുണൈറ്റഡിനെ നേരിടും. വൈകീട്ട് 7.30ന് ഫത്തോർദ സ്‌റ്റേഡിയത്തിലാണ് മൽസരം നടക്കുക. അവസാന മൂന്ന് ഏറ്റുമുട്ടലുകളിലും തോൽവിയറിയാതെ മുന്നേറുകയാണ് ഹൈദരാബാദ് എഫ്‌സി. ഒഗ്‌ബച്ചെയുടെ ഗോളടി മികവാണ് ഹൈദരാബാദിന്റെ കരുത്ത്.
നോർത്ത് ഈസ്‌റ്റ് യുണൈറ്റഡ് 14 മൽസരങ്ങളിൽ നിന്ന് 10 പോയിന്റുമായി പോയിന്റ് പട്ടികയിൽ 10ആം സ്‌ഥാനത്താണ് നിലവിൽ. കഴിഞ്ഞ ഏഴ് മൽസരങ്ങളിൽ ഒന്നിൽ പോലും ജയിക്കാൻ കഴിയാത്ത ഖാലിദ് ജമീലിനും കൂട്ടർക്കും ഇന്നത്തെ മൽസരം നിർണായകമാണ്. പ്രതിരോധ നിരയുടെ ഫോമില്ലായ്‌മ നോർത്ത് ഈസ്‌റ്റിനെ കാര്യമായി ബാധിക്കുന്നുണ്ട്, ഇത് പരിഹരിക്കാനാകും ടീമിന്റെ ശ്രമം.
Read Also: എംജി സർവകലാശാല ജീവനക്കാരിയുടെ അറസ്‌റ്റ്; സിൻഡിക്കേറ്റ് യോഗം ഇന്ന് ചേരും
