ചെന്നൈ: ഇസ്രോയുടെയുടെ ഈ വര്‍ഷത്തെ ആദ്യ ദൗത്യത്തിന്റെ കൗണ്ട് ഡൗണ്‍ ശ്രീഹരിക്കോട്ടയില്‍ ആരംഭിച്ചു. ഇന്ത്യയുടെ ഏറ്റവും പുതിയ റഡാര്‍ ഇമേജിങ് ഉപഗ്രഹമായ EOS-01 ആണ് വിക്ഷേപണത്തിന് ഒരുങ്ങുന്നത്. നാളെ ഇന്ത്യന്‍ സമയം ഉച്ചക്ക് 3.02ന് പിഎസ്എല്‍വി-സി49 ഒന്‍പത് വിദേശ ഉപഗ്രഹങ്ങള്‍ക്കൊപ്പം ആകാശത്തേക്ക് ഉയരും.
ഇന്ത്യയുടെ നിരീക്ഷണ സംവിധാനത്തിന് ഏറെ ഗുണകരമാവുന്നതാണ് EOS-01 എന്ന പുതിയ ഉപഗ്രഹം. അതിനൊപ്പം ലിത്വാനിയ-1, ലക്‌സംബർഗ്-4, യുഎസ്-4 എന്നീ രാജ്യങ്ങളില്‍ നിന്നുള്ള അതിഥികളെയും കൊണ്ടാണ് യാത്ര.
Countdown for the launch of #PSLVC49/#EOS01 mission commenced today at 1302 Hrs (IST) from Satish Dhawan Space Centre (SDSC) SHAR, Sriharikota.
Launch is scheduled tomorrow at 1502 Hrs IST . pic.twitter.com/JQ0nBXHChx
— ISRO (@isro) November 6, 2020
ഏത് കലാവസ്‌ഥയിലും കൃത്യമായ ചിത്രങ്ങള്‍ നല്‍കാന്‍ ശേഷിയുള്ളതാണ് EOS-01. പകലും രാത്രിയും ഒരേ പോലെ പോലെ പ്രവര്‍ത്തിക്കാന്‍ ശേഷിയുള്ളതാണ് ഇതിലെ റഡാര്‍ സംവിധാനം.
സുരക്ഷാ ആവശ്യങ്ങള്‍ക്കും, മറ്റ് പ്രവര്‍ത്തങ്ങള്‍ക്കും ഇതിനെ ഉപയോഗപ്പെടുത്താന്‍ കഴിയുമെന്നാണ് പ്രതീക്ഷ. പിഎസ്എല്‍വി റോക്കറ്റിലെ ഏറ്റവും കരുത്തനായ ഡിഎല്‍ വേരിയന്റ് തന്നെയാണ് വിക്ഷേപണത്തിന് ഉപയോഗിക്കുന്നത്. ഇന്ന് ഉച്ചക്ക് 1.02നാണ് കൗണ്ട് ഡൗൺ ആരംഭിച്ചത്. 26 മണിക്കൂറാണ് കൗണ്ട് ഡൗണിന്റെ ദൈർഘ്യം.
Read Also: സിഎഎ വിരുദ്ധ പ്രക്ഷോഭകരെക്കുറിച്ച് വിവരം നല്‍കിയാല്‍ പാരിതോഷികം; യുപി സര്‍ക്കാര്‍
