മലപ്പുറം: ജലജീവൻ മിഷൻ പദ്ധതിയുടെ ഭാഗമായി മൂർക്കനാട്ടെ മുഴുവൻ കുടുംബങ്ങൾക്കും ഇനി കുടിവെള്ളം ലഭിക്കും. പഞ്ചായത്ത് പരിധിയിലെ 4456 കുടുംബങ്ങൾക്ക് കുടിവെള്ള കണക്ഷനുകൾ നൽകിയാണ് പഞ്ചായത്തിൽ സമ്പൂർണ കുടിവെള്ള പദ്ധതി നടപ്പിലാക്കുന്നത്. പദ്ധതി വഴി 2000 കുടുംബങ്ങൾക്കുള്ള കുടിവെള്ള കണക്ഷനുകൾ നൽകി കഴിഞ്ഞു.
9.56 കോടിയുടെ പ്രവർത്തനങ്ങൾ ജനകീയാസൂത്രണ പദ്ധതിയിൽ ഉൾപ്പെടുത്തിയാണ് നടപ്പിലാക്കുന്നത്. 148 സ്ഥലങ്ങളിലായി 33.752 കിലോമീറ്റർ ദൂരത്തിൽ പൈപ്പ്ലൈൻ സ്ഥാപിക്കുന്ന പ്രവർത്തനം ഉടനെ ആരംഭിക്കും. നിലവിലെ പ്ളാന്റിലെ ടാങ്കിന് പുറമെ ഉയരം കൂടിയ സ്ഥലത്തു ഒരു വാട്ടർടാങ്കും, മൃഗാശുപത്രി-പാലൂർ കോട്ട റോഡിൽ മറ്റൊരു ടാങ്കും സ്ഥാപിക്കാനാണ് തീരുമാനിച്ചതെന്ന് പഞ്ചായത്ത് പ്രസിഡണ്ട് പിപി രശ്മി പറഞ്ഞു. നിലവിലുള്ള മൂർക്കനാട് കുടിവെള്ളം പദ്ധതി വിപുലീകരിച്ചാണ് ജലജീവൻ മിഷൻ പദ്ധതിയിലൂടെ കുടിവെള്ളം എത്തിക്കുന്നത്.
Read Also: നാടിനെ തകർക്കാനുള്ള ശ്രമങ്ങൾ തള്ളും’; കിറ്റെക്സ് വിഷയത്തിൽ വ്യവസായ മന്ത്രി