മലപ്പുറം: കോവിഡ് പരിശോധിച്ചാൽ 10,000 രൂപയുടെ മൊബൈൽ സമ്മാനമായി നൽകുമെന്ന വേറിട്ട ഓഫറുമായി വ്യാപാരി വ്യവസായി ഏകോപന സമിതി യൂത്ത് വിങ് വണ്ടൂർ യൂണിറ്റ്. പ്രദേശത്ത് കൊവിഡ് പരിശോധന വർധിപ്പിക്കാനാണ് പുതിയ ഓഫറുകളുമായി വ്യാപാരികൾ രംഗത്ത് ഇറങ്ങിയത്. ഇന്നലെയും ഇന്നും നാളെയുമായി ശാന്തിനഗർ, വണ്ടൂർ, വാണിയമ്പലം എന്നിവിടങ്ങളിൽ കോവിഡ് മെഗാ ആന്റിജൻ ടെസ്റ്റ് നടക്കുന്നുണ്ട്. ഇതിൽ പങ്കെടുത്തവർക്കാണ് നറുക്കെടുപ്പിലൂടെ ഫോൺ നൽകുക. നാളെയാണ് ബംബർ നറുക്കെടുപ്പ്.
പ്രദേശത്തെ കോവിഡ് രോഗ വ്യാപനം കുറക്കുന്നതിനായി എല്ലാവരും ടെസ്റ്റിൽ പങ്കെടുക്കാൻ വേണ്ടിയാണ് ഇത്തരത്തിലൊരു ഓഫർ മുന്നോട്ട് വെച്ചതെന്ന് വ്യാപാരി ഏകോപന സമിതി അംഗങ്ങൾ പറഞ്ഞു. നാളെ വാണിയമ്പലം ടൗൺ സ്ക്വയറിൽ വെച്ചാണ് പരിശോധന നടക്കുന്നത്. നറുക്കെടുപ്പിന് വ്യാപാരി വ്യവസായി ഏകോപന സമിതി ഭാരവാഹികളായ ഗഫൂർ മോയിക്കൽ, കെഎഫ്സി സുബൈർ, പി അബ്ദുൾ നാസർ എന്നിവർ നേതൃത്വം നൽകും.
Read Also: സിക വൈറസ്; ജാഗ്രത പാലിക്കണമെന്ന് ആരോഗ്യമന്ത്രി