തിരുവനന്തപുരം : ഇത്തവണത്തെ നിയമസഭാ തിരഞ്ഞെടുപ്പിൽ തിരുവനന്തപുരം ജില്ലയിലെ 4 മണ്ഡലങ്ങളിൽ സിപിഐഎം-ബിജെപി ഡീലെന്ന് ആരോപിച്ച് കോൺഗ്രസ് നേതാവ് കെ മുരളീധരൻ. തിരുവനന്തപുരം, നേമം, വട്ടിയൂർക്കാവ്, കഴക്കൂട്ടം മണ്ഡലങ്ങളിലാണ് പരസ്‌പര ധാരണയെന്നും നേമത്തെ യുഡിഎഫ് സ്‌ഥാനാർഥി കൂടിയായ കെ മുരളീധരൻ വ്യക്‌തമാക്കി.
തിരുവനന്തപുരം, നേമം മണ്ഡലങ്ങളിൽ സിപിഐഎം ബിജെപിയെ സഹായിക്കാമെന്നും, വട്ടിയൂർക്കാവ്, കഴക്കൂട്ടം മണ്ഡലങ്ങളിൽ ബിജെപി സിപിഐഎമ്മിനെ സഹായിക്കാമെന്നുമാണ് ധാരണയുള്ളതെന്നും മുരളീധരൻ ആരോപണം ഉന്നയിച്ചു. കൂടാതെ ഇരു പാർട്ടികളുടെയും നാണംകെട്ട കൂട്ടുകെട്ട് തുറന്നുകാട്ടികൊണ്ട് തന്നെ ഇത്തവണത്തെ തിരഞ്ഞെടുപ്പിൽ യുഡിഎഫ് മുന്നോട്ട് പോകുമെന്നും മുരളീധരൻ കൂട്ടിച്ചേർത്തു.
Read also : വാണിജ്യ എസ്എംഎസുകൾക്ക് ഏപ്രിൽ 1 മുതൽ നിയന്ത്രണങ്ങൾ; ട്രായ്
