തിരുവനന്തപുരം: തൃക്കാക്കര ഉപതിരഞ്ഞെടുപ്പിലേക്കുള്ള കോൺഗ്രസ് സ്ഥാനാർഥിയെ ബുധനാഴ്ച പ്രഖ്യാപിക്കുമെന്ന് വ്യക്തമാക്കി കെപിസിസി അധ്യക്ഷൻ കെ സുധാകരൻ. കൂടാതെ സ്ഥാനാർഥി നിർണയത്തിനായുള്ള ചർച്ചകൾ തുടരുകയാണെന്നും അദ്ദേഹം അറിയിച്ചു.
നിലവിൽ കോൺഗ്രസ് സ്ഥാനാർഥിയുടെ പേരായി ഉയർന്നു കേൾക്കുന്നത് അന്തരിച്ച മുൻ എംഎൽഎ പിടി തോമസിന്റെ ഭാര്യ ഉമ തോമസിന്റെ പേരാണ്. എന്നാൽ ഇക്കാര്യത്തിൽ അന്തിമ തീരുമാനം അധികൃതർ വ്യക്തമാക്കിയിട്ടില്ല. കൂടാതെ ഇതിൽ വിയോജിപ്പ് പ്രകടിപ്പിച്ച് ഡൊമിനിക് പ്രസന്റേഷൻ രംഗത്ത് വരികയും ചെയ്തു.
മെയ് 31ആം തീയതിയാണ് തൃക്കാക്കര നിയമസഭാ മണ്ഡലത്തിൽ ഉപതിരഞ്ഞെടുപ്പ് നടക്കുക. തുടർന്ന് ജൂൺ 3ആം തീയതി വോട്ടെണ്ണൽ നടക്കുകയും ചെയ്യും. പിടി തോമസ് എംഎൽഎയുടെ നിര്യാണത്തെ തുടർന്നാണ് ഇപ്പോൾ മണ്ഡലത്തിൽ ഉപതിരഞ്ഞെടുപ്പ് നടക്കുന്നത്.
Read also: വിജയ് ബാബുവിനെതിരെ നടപടിയില്ല; ‘അമ്മ’യിൽ രാജി തുടരുന്നു