കണ്ണൂര്: കെപിസിസിയുടെ താല്ക്കാലിക അധ്യക്ഷ സ്ഥാനത്തേക്ക് കെ സുധാകരന് എത്തിയേക്കും. നിലവിലെ അധ്യക്ഷനായ മുല്ലപ്പള്ളി രാമചന്ദ്രന് നിയമസഭാ തിരഞ്ഞെടുപ്പില് മൽസരിക്കുന്നതിനാലാണ് താല്ക്കാലിക അധ്യക്ഷനായി കെ സുധാകാരനെ പരിഗണിക്കുന്നത്.
സ്ഥാനാർഥി നിര്ണയം പൂര്ത്തിയായാല് ഉടന് തന്നെ കെ സുധാകരന് കെപിസിസിയുടെ താല്ക്കാലിക അധ്യക്ഷൻ ആയേക്കുമെന്നാണ് സൂചന. സുധാകരന്റെ നേതൃത്വം കേരളത്തിലെ കോണ്ഗ്രസിന് പുത്തന് ഉണര്വേകുമെന്നും തെരഞ്ഞെടുപ്പില് ഗുണം ചെയ്യുമെന്നുമാണ് കോണ്ഗ്രസ് നേതൃത്വത്തിന്റെ പ്രതീക്ഷ.
എന്നാല് എന്നാല് ഈ വാര്ത്തകള് കെ സുധാകരന് നിഷേധിച്ചു. കെപിസിസി അധ്യക്ഷനാകാന് ആര്ത്തി പൂണ്ട് ഇരിക്കുന്ന ആളല്ല താനെന്ന് സുധാകരന് പറഞ്ഞു. ‘എന്റെ നിലപാട് വളരെ വ്യക്തമാണ്. ഞാന് കെപിസിസി അധ്യക്ഷ പദവിക്ക് വേണ്ടി ആറ്റു നോറ്റ് ഇരിക്കുന്നയാളല്ല. പാര്ട്ടി ചുമതല ഏല്പ്പിച്ചാല് സത്യസന്ധമായി ആ ചുമതല നിറവേറ്റും’, സുധാകരന് പറഞ്ഞു.
Read also: കോണ്ഗ്രസ്-ലീഗ് തര്ക്കം; അഴീക്കോട് മണ്ഡലം യുഡിഎഫ് കണ്വീനര് രാജിവെച്ചു