തിരുവനന്തപുരം: കേരളത്തിൽ എൽഡിഎഫ് തരംഗം തീർത്തതിന് പിന്നാലെ പ്രതികരണവുമായി മന്ത്രി കടകംപള്ളി സുരേന്ദ്രൻ. ഒന്നോ രണ്ടോ സീറ്റുകള്ക്ക് വേണ്ടി ശബരിമലയെ ആയുധമാക്കാന് ശ്രമിച്ച ആളുകള്ക്കുള്ള തിരിച്ചടിയും കനത്ത ശിക്ഷയുമാണ് ഈ വിജയമെന്ന് കടകംപള്ളി സുരേന്ദ്രന് പറഞ്ഞു.
കേരളം വീണ്ടും ഇടതുപക്ഷം ഭരിക്കുമെന്നാണ് തിരഞ്ഞെടുപ്പ് ഫലം വ്യക്തമാക്കുന്നത്. തിരഞ്ഞെടുപ്പ് പ്രചാരണത്തിൽ കോൺഗ്രസും ബിജെപിയും ഉയർത്തിപ്പിടിച്ച പ്രധാന വിഷയങ്ങളിൽ ഒന്നായിരുന്നു ശബരിമലയിലെ യുവതീ പ്രവേശനം. അധികാരത്തിൽ വന്നാൽ ശബരിമലയിൽ പ്രത്യേക നിയമം കൊടുവരുമെന്ന് യുഡിഎഫ് പ്രകടന പത്രികയിൽ വാഗ്ദാനം നൽകിയിരുന്നു. എന്നാൽ ഇത് ജനങ്ങൾ തള്ളിക്കളഞ്ഞു എന്നാണ് ഫലം തെളിയിക്കുന്നത്. ഒടുവിൽ കിട്ടുന്ന ഫല സൂചനകളിൽ എൽഡിഎഫ് 95 സീറ്റിലും യുഡിഎഫ് 45 സീറ്റിലുമാണ് ലീഡ് ചെയ്യുന്നത്.
Also Read: കേരളത്തിലെ എല്ലാ ദൈവങ്ങളും കടുത്ത മതേതരവാദികൾ; പരിഹാസ പോസ്റ്റുമായി സംവിധായകൻ മിഥുൻ മാനുവൽ തോമസ്