തിരുവനന്തപുരം: കഴക്കൂട്ടം മണ്ഡലത്തിലും യുഡിഎഫും എന്‍ഡിഎയും തമ്മിൽ കരാറുണ്ടെന്ന് എല്‍ഡിഎഫ് സ്‌ഥാനാർഥിയും ദേവസ്വം മന്ത്രിയുമായ കടകംപള്ളി സുരേന്ദ്രന്‍. വോട്ടുമറിക്കാനുള്ള ധാരണ ഉണ്ടാക്കാന്‍ അറിയാവുന്നവരാണ് എൽഡിഎഫിന്റെ എതിർ ചേരിയിൽ മൽസരിക്കുന്നത് എന്നും അദ്ദേഹം പറഞ്ഞു. എന്നാൽ വികസനമാണ് തന്റെയും എല്‍ഡിഎഫിന്റെയും കരുത്തെന്നും കടകംപള്ളി വ്യക്‌തമാക്കി.
ജനങ്ങള്‍ ആഗ്രഹിക്കുന്നത് നാടിന്റെ നൻമയാണ്. ലൗ ജിഹാദും ശബരിമലയും കേരളത്തില്‍ വിലപ്പോകില്ല. ബിജെപിയുടെ അത്രയില്ലെങ്കിലും കോണ്‍ഗ്രസും വര്‍ഗീയത പരത്തുന്നുണ്ട്. വോട്ട് ലഭിക്കാന്‍ വേണ്ടി എന്തു തരത്തിലുള്ള നിലപാടും എടുക്കുന്നവരാണ് മൽസര രംഗത്തുള്ളത്. അതേസമയം വികസനം മാത്രം പറയുന്നതാണ് എൽഡിഎഫിന്റെ പ്രചാരണ രീതിയെന്നും കടകംപള്ളി വ്യക്‌തമാക്കി.
Read also: നിയമസഭാ തിരഞ്ഞെടുപ്പോടെ കേരളത്തില്‍ നിന്ന് ബിജെപി തുടച്ചുനീക്കപ്പെടും; സച്ചിൻ പൈലറ്റ്
