തൃശൂർ: കരുവന്നൂർ ബാങ്ക് തട്ടിപ്പ് കേസില് പ്രതികൾക്ക് എതിരെ സിപിഎം നടപടി. കേസിൽ പ്രതിചേർക്കപ്പെട്ട നാല് പേരെ സിപിഎം പാർടിയിൽ നിന്ന് പുറത്താക്കി. പ്രതികളായ ബിജു കരീം, ജിൽസ്, സുനിൽകുമാർ, ഭരണ സമിതി പ്രസിഡണ്ട് കെകെ ദിവാകരൻ എന്നിവരെയാണ് പുറത്താക്കിയത്.
കൂടാതെ, ജില്ലാ കമ്മിറ്റി അംഗങ്ങളായ കെആർ വിജയ, ഉല്ലാസ് എന്നിവരെ ഏരിയാ കമ്മിറ്റിയിലേക്ക് തരംതാഴ്ത്തുകയും മുൻ ജില്ലാ സെക്രട്ടേറിയറ്റംഗം സികെ ചന്ദ്രനെ ഒരു വർഷത്തേക്ക് സസ്പെൻഡ് ചെയ്യുകയും ചെയ്തു.
പുറച്ചേരി ലോക്കല് കമ്മിറ്റി സെക്രട്ടറിയെയും ഒരു വര്ഷത്തേക്ക് സസ്പെൻഡ് ചെയ്തിട്ടുണ്ട്. ഇരിഞ്ഞാലക്കുട ഏരിയാ സെക്രട്ടറിയെയും മാറ്റിയിട്ടുണ്ട്. രണ്ടു ദിവസമായി നടന്ന ജില്ലാ സെക്രട്ടറിയേറ്റ് യോഗത്തിനും തുടര്ന്ന് നടന്ന ജില്ലാ കമ്മിറ്റി യോഗത്തിനും ശേഷമാണ് സിപിഎമ്മില് കൂട്ട നടപടി ഉണ്ടായിരിക്കുന്നത്.
Most Read: പോലീസിലെ വനിതാ പ്രാതിനിധ്യം 15 ശതമാനമാക്കും; മുഖ്യമന്ത്രി