കാസർഗോഡ്: മാരകായുധങ്ങളുമായി കാറിലെത്തിയ സംഘം യുവാവിനെ തട്ടിക്കൊണ്ടുപോയതായി പരാതി. കുരുടപദവ് തിമിരടുക്കയിൽ ഇന്ന് ഉച്ചയ്ക്ക് രണ്ടരയോടെയാണ് സംഭവം. 21 വയസുകാരനായ അബ്ദുൾ റഹ്മാനെയാണ് കാറിലെത്തിയ ഒരു സംഘം ആളുകൾ തട്ടികൊണ്ടുപോയത്. സംഘത്തെ തടയാൻ ശ്രമിച്ച യുവാവിന്റെ മാതാവിനും പരിക്കുണ്ട്.
പത്തോളം പേരടങ്ങിയ സംഘമാണ് സംഭവത്തിന് പിന്നിലെന്ന് ദൃക്സാക്ഷികൾ പറയുന്നു. മാരകായുധങ്ങളുമായാണ് സംഘം എത്തിയത്. തുടർന്ന് യുവാവിനെ വീട്ടിൽ നിന്ന് പിടിച്ചിറക്കി ക്രൂരമായി ആക്രമിച്ചു. ശേഷം കാറിലേക്ക് കയറ്റിക്കൊണ്ടു പോവുകയായിരുന്നു. വീട്ടുകാരുടെ പരാതിയിൽ പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
Read Also: പന്തീരാങ്കാവ് യുഎപിഎ കേസ്; ഉസ്മാൻ മാവോയിസ്റ്റ് കേരള അർബൻ ചുമതലയുള്ള നേതാവ്