ന്യൂഡെല്‍ഹി: റിപ്പബ്‌ളിക് ദിന പരേഡില്‍ നിശ്‌ചല ദൃശ്യങ്ങള്‍ അവതരിപ്പിക്കുന്ന സംസ്‌ഥാനങ്ങളുടെ പട്ടികയില്‍ കേരളവും ഇക്കുറി ഇടംപിടിച്ചു. കയര്‍ പ്രമേയമാക്കി ഉള്ളതാണ് കേരളത്തിന്റെ നിശ്‌ചലദൃശ്യം. നേരത്തെ 2018ലാണ് റിപബ്‌ളിക് ദിന പരേഡില്‍ കേരളം സാന്നിധ്യമറിയിച്ചത്.
സംസ്‌ഥാന-കേന്ദ്ര ഭരണ പ്രദേശങ്ങളുടെ നിശ്‌ചല ദൃശ്യങ്ങളുടെ എണ്ണത്തില്‍ കുറവു വരുത്തില്ലെന്ന് അധികൃതര്‍ വ്യക്‌തമാക്കി. കോവിഡ് വ്യാപനം മൂലമുള്ള ആശങ്ക നിലനില്‍ക്കുന്നുണ്ട് എങ്കിലും പതിവു പോലെ ഈ വിഭാഗത്തില്‍ നിന്ന് 17 നിശ്‌ചല ദൃശ്യങ്ങള്‍ ഉണ്ടാകും.
ജനുവരി 26ന് രാജ്‌പഥില്‍ നടക്കുന്ന റിപ്പബ്‌ളിക്ക് ദിന ആഘോഷങ്ങളില്‍ ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ മുഖ്യാതിഥിയായി പങ്കെടുക്കും. കോവിഡ് സാഹചര്യം ആയതിനാല്‍ പരേഡുകള്‍ നടത്തുന്നതിന് പ്രത്യേക പെരുമാറ്റച്ചട്ടം നിലവിലുണ്ടെന്ന് സൈനിക വക്‌താവ് അറിയിച്ചിരുന്നു. നേരെത്തെ റിപ്പബ്‌ളിക്ക് ദിന സൈനിക പരേഡുകള്‍ക്കായി ഡെല്‍ഹിയില്‍ എത്തിയ 150ഓളം പേര്‍ക്ക് കോവിഡ് സ്‌ഥിരീകരിച്ചിരുന്നു.
Read Also: ഐഎഫ്എഫ്‌കെ ഫെബ്രുവരി 10 മുതൽ, നാല് മേഖലകളിലായി; മന്ത്രി എകെ ബാലന്‍
