തിരുവനന്തപുരം: നിയമസഭ കയ്യാങ്കളി കേസില് വിചാരണ നടപടികള് തുടങ്ങുന്നു. മന്ത്രി വി ശിവന്കുട്ടി അടക്കമുള്ള 6 പ്രതികള് തിരുവനന്തപുരം സിജെഎം കോടതിയില് ഇന്ന് ഹാജരാകണം. പ്രതികള് ഹാജരായാല് കുറ്റപത്രം ഇന്ന് തന്നെ വായിച്ച് കേള്പ്പിക്കും. ഇതോടെ വിചാരണ നടപടികള് തുടങ്ങും.
അതേസമയം വിടുതല് ഹരജി തള്ളിയ മജിസ്ട്രേറ്റ് കോടതി ഉത്തരവിനെതിരെ പ്രതികള് ഹൈക്കോടതിയെ സമീപിച്ചേക്കും. നിയമസഭ കയ്യാങ്കളി കേസില് ആറ് വര്ഷം പിന്നിടുമ്പോഴാണ് വിചാരണ നടപടികള് തുടങ്ങാനൊരുങ്ങുന്നത്.
പ്രതികളായ മന്ത്രി വി ശിവന്കുട്ടി, ഇപി ജയരാജന്, കെടി ജലീല്, കെ അജിത്, കുഞ്ഞഹമ്മദ് മാസ്റ്റര്, സികെ സദാശിവന് എന്നിവരുടെ വിടുതല് ഹരജികള് തള്ളിയ തിരുവനന്തപുരം സിജെഎം കോടതി എല്ലാവരോടും ഇന്ന് ഹാജരാകാന് ഉത്തരവിട്ടിട്ടുണ്ട്.
Also Read: കാലാവസ്ഥ പ്രതികൂലം; ഇന്നും ട്രെയിനുകള് റദ്ദാക്കി