തിരുവനന്തപുരം: കേരള പോലീസിന്റെ ഔദ്യോഗിക ട്വിറ്റര് പേജ് ഹാക്ക് ചെയ്യപ്പെട്ടു. 3.14 ലക്ഷം പേർ ട്വിറ്ററിൽ പിന്തുടരുന്ന അക്കൗണ്ടാണ് ഹാക്ക് ചെയ്യപ്പെട്ടത്. ‘ഓക്ക് പാരഡൈസ്’ എന്ന ഹാക്കേഴ്സാണ് ട്വിറ്റര് അക്കൗണ്ട് ഹാക്ക് ചെയ്തിരിക്കുന്നത്.
2013 സെപ്റ്റംബർ മുതൽ സജീവമായ അക്കൗണ്ടാണ് ഇത്. രാത്രി 8 മണിയോടെയാണ് അക്കൗണ്ട് ഹാക്ക് ചെയ്യപ്പെട്ടത് എന്നാണ് സൂചന. അക്കൗണ്ടിൽ നിന്നും നിരവധി ട്വീറ്റുകൾ ഇതിനോടകം റീട്വീറ്റ് ചെയ്തിട്ടുണ്ട്.
കേരള പോലീസ് പോസ്റ്റ് ചെയ്തിരുന്ന ട്വീറ്റ് എല്ലാം തന്നെ ഹാക്കർമാർ പേജിൽ നിന്ന് നീക്കം ചെയ്തിരിക്കുകയാണ്. ഹാക്ക് ചെയ്തവർ ‘ഓക്ക് പാരഡൈസ്’ എന്നാണ് അക്കൗണ്ടിന് പേര് നൽകിയിരിക്കുന്നത്. എൻഎഫ്ടി വിപണനം ആണ് ഇപ്പോൾ ഇതിലൂടെ നടക്കുന്നത്.
Most Read: കെടി ജലീലിന്റെ പരാതി; സ്വപ്നക്കെതിരെ കേസെടുക്കാമെന്ന് നിയമോപദേശം