സൂപ്പർ താരം രവി തേജയെ നായകനാക്കി രമേശ് വർമ തിരക്കഥ എഴുതി സംവിധാനം ചെയ്യുന്ന തെലുങ്ക് ചിത്രം ‘ഖിലാഡി‘യുടെ ടീസർ പുറത്ത്. ആക്ഷന് പ്രാധാന്യം നൽകി ഒരുക്കുന്ന ‘ഖിലാഡി’യിൽ രവി തേജ ഇരട്ട വേഷത്തിലാണ് എത്തുന്നതെന്നാണ് റിപ്പോർട്ടുകൾ. മെയ് 28നാണ് ചിത്രത്തിന്റെ റിലീസ്.
എ സ്റ്റുഡിയോസിന്റെ ബാനറിൽ സത്യനാരായണ കോനെരു നിർമിക്കുന്ന ചിത്രത്തിൽ മലയാളികളുടെ പ്രിയ താരം ഉണ്ണി മുകുന്ദനും വേഷമിടുന്നുണ്ട്. സംവിധായകൻ രമേശ് വർമയും നിർമാണ പങ്കാളിയാണ്. അർജുൻ സർജ, മീനാക്ഷി ചൗധരി, ഡിംപിൾ ഹയാതി, വെന്നല കിഷോർ, അനസൂയ ഭരദ്വാജ്, കേശവ് ദീപക് എന്നിവരാണ് മറ്റ് താരങ്ങൾ.
ദേവി ശ്രീ പ്രസാദ് ആണ് ചിത്രത്തിന് ഈണം പകരുന്നത്. ജികെ വിഷ്ണുവാണ് ഛായാഗ്രാഹകൻ
Read Also: ‘ഒടിടിയോട് സഹകരണം അധികമായാൽ തിയേറ്റർ റിലീസ് തടയും’; ഫഹദിന് ഫിയൊക്കിന്റെ മുന്നറിയിപ്പ്