തിരുവനന്തപുരം: കിഫ്‌ബി വിവാദത്തിൽ മുഖ്യമന്ത്രിയുടെ ആരോപണങ്ങൾക്ക് പ്രതിപക്ഷ നേതാവിന്റെ മറുപടി. കിഫ്ബിയുമായി ബന്ധപ്പെട്ട സിഎജി റിപ്പോർട്ട് ഇതുവരെ ആരും വായിച്ചിട്ടില്ല. മുഖ്യമന്ത്രി കിഫ്ബിയുമായി ബന്ധപ്പെട്ട വിഷയത്തിൽ ധനമന്ത്രിയെ ന്യായീകരിച്ചത് തെറ്റായിപ്പോയി. പ്രതിപക്ഷ നേതാവ് പറഞ്ഞു. ജനങ്ങളാണ് സർക്കാരിനെ അട്ടിമറിക്കാൻ പോവുന്നതെന്നും ചെന്നിത്തല മുന്നറിയിപ്പ് നൽകി.
‘ആര് സർക്കാരിനെ അട്ടിമറിക്കും എന്നാണ് മുഖ്യമന്ത്രി പറയുന്നത്. ജനങ്ങളാണ് സർക്കാരിനെ അട്ടിമറിക്കാൻ പോകുന്നത്. വരുന്ന പഞ്ചായത്ത് തിരഞ്ഞെടുപ്പിലും നിയസഭാ തിരഞ്ഞെടുപ്പിലും ജനങ്ങൾ സർക്കാരിനെ അട്ടിമറിക്കും’ ചെന്നിത്തല മാദ്ധ്യമങ്ങളോട് പറഞ്ഞു.
കേരളത്തിന്റെ വികസനം തകർക്കാനുള്ള ആസൂത്രിത ശ്രമത്തിന്റെ ഭാഗമാണ് കിഫ്ബിക്കെതിരെ ഇപ്പോൾ നടക്കുന്ന നീക്കങ്ങളെന്ന് മുഖ്യമന്ത്രി ഇന്നലെ പറഞ്ഞിരുന്നു. കിഫ്‌ബി വിവാദങ്ങളിൽ മുഖ്യമന്തി ധനകാര്യ മന്ത്രിയെ ന്യായീകരിക്കുകയും ചെയ്‌തു. വിവാദങ്ങൾ ഉയർത്തി കിഫ്ബിയെ നശിപ്പിക്കാനാണ് ചിലർ ശ്രമിക്കുന്നതെന്നും മുഖ്യമന്ത്രി ആരോപിച്ചു.
Read Also: സ്വർണക്കടത്ത് കേസ്; നാല് പ്രതികൾ കരുതൽ തടങ്കലിൽ
