ന്യൂഡെൽഹി: കേന്ദ്ര നിയമമന്ത്രി സ്ഥാനത്ത് നിന്ന് കിരൺ റിജിജുവിനെ മാറ്റി. അർജുൻ റാം മേഘ്വാൾ പകരം നിയമമന്ത്രിയാകും. രാജസ്ഥാനിൽ നിന്നുള്ള പ്രമുഖ ബിജെപി തേവനാണ് അർജുൻ റാം മേഘ്വാൾ. ഭൗമശാസ്ത്ര മന്ത്രാലയത്തിന്റെ ചുമതലയാണ് കിരൺ റിജിജുവിന് നൽകിയിരിക്കുന്നത്. 2021 ജൂലൈ എട്ടിനാണ് കേന്ദ്ര നിയമമന്ത്രിയായി കിരൺ റിജിജു സ്ഥാനമേൽക്കുന്നത്.
അതിന് മുൻപ് 2019 മുതൽ അദ്ദേഹം യുവജനകാര്യ സഹമന്ത്രി ആയിരുന്നു. അതേസമയം, മന്ത്രിസഭയിൽ അഴിച്ചുപണി ഇല്ലാതെ റിജിജുവിനെ മാത്രം പെട്ടെന്ന് മാറ്റാൻ കാരണം എന്തെന്ന് വ്യക്തമല്ല. സുപ്രീം കോടതി ജഡ്ജി നിയമനവുമായി ബന്ധപ്പെട്ടും കൊളീജിയം രീതിക്കെതിരെയും തുടർച്ചയായി വിമർശനങ്ങൾ കിരൺ റിജിജു ഉന്നയിച്ചിരുന്നു.
Most Read: ചർച്ചകൾക്ക് വിരാമം; കർണാടക മുഖ്യമന്ത്രിയായി സിദ്ധരാമയ്യ- ഡികെ ശിവകുമാർ ഉപമുഖ്യമന്ത്രി