തിരുവനന്തപുരം: തിരഞ്ഞെടുപ്പും സമരങ്ങളും വലിയ കൂട്ടായ്‌മകളും കോവിഡ് വ്യാപനത്തിന് കാരണമായെന്ന് ആരോഗ്യ മന്ത്രി കെകെ ശൈലജ. കേരളത്തില്‍ ഇപ്പോള്‍ നിലവിലുള്ള സാഹചര്യം താരതമ്യം ചെയ്യേണ്ടത് മറ്റ് സംസ്‌ഥാനങ്ങളിലെ ഉയര്‍ന്ന വ്യാപന തോതുമായിട്ടാണെന്നും ആരോഗ്യമന്ത്രി പറഞ്ഞു.
കോവിഡ് വ്യാപനം തടയുന്നതിനും മരണനിരക്ക് കുറക്കുന്നതിനുമാണ് സംസ്‌ഥാനം ആദ്യം മുതല്‍ ശ്രമിച്ചത്. മാര്‍ഗനിര്‍ദേശങ്ങള്‍ കൃത്യമായി പാലിച്ചിരുന്നില്ല എങ്കില്‍ സ്‌ഥിതി നിയന്തിക്കാന്‍ സാധിക്കാതെ വരുമായിരുന്നു. അതുപോലെ നിയന്ത്രണങ്ങള്‍ ഇനിയും പാലിക്കണം; ആരോഗ്യമന്ത്രി പറഞ്ഞു.
വാക്‌സിനേഷന്‍ സമയം എടുത്ത് നടത്തേണ്ട പ്രക്രിയയെന്നും വാക്‌സിന്‍ എത്തിയെന്ന് കരുതി അലംഭാവം കാണിക്കരുതെന്നും മന്ത്രി കൂട്ടിച്ചേര്‍ത്തു.
Read also: സാമ്പത്തിക പ്രതിസന്ധി പരിഹരിക്കാൻ ഭക്‌തരിൽ നിന്നും സഹായം സ്വീകരിക്കും; ദേവസ്വം ബോർഡ്
