കോഴിക്കോട്: മിഠായിത്തെരുവിൽ വ്യാപാരികളുടെ പ്രതിഷേധം. കടകൾ തുറക്കാൻ അനുമതി നൽകണമെന്ന് ആവശ്യപ്പെട്ടാണ് വ്യാപാരികൾ പ്രതിഷേധം നടത്തിയത്. പ്രതിഷേധത്തിനിടയിൽ വ്യാപാരികളും പോലീസും തമ്മിൽ നേരീയ സംഘർഷം ഉണ്ടായതോടെ വ്യാപാരികളെ പോലീസ് അറസ്‌റ്റ് ചെയ്‌ത്‌ നീക്കി. സംഭവത്തിൽ വ്യാപാരികളുമായി ചർച്ച നടത്തുമെന്ന് കളക്‌ടർ അറിയിച്ചു.
കട അടക്കാൻ അഞ്ച് മിനിറ്റ് വൈകിയാൽ പോലും പോലീസ് പിഴ ഈടാക്കുമെന്ന് വ്യാപാരികൾ ആരോപിച്ചു. കടയിൽ വരുമാനം കുറവായ സമയത്താണ് പോലീസുകാർ പിഴയുമായി വരുന്നത്. ഇത് ഏറെ പ്രതിസന്ധി ഉണ്ടാക്കുമെന്നും, കളക്‌ടറുമായുള്ള ചർച്ചയുടെ അടിസ്‌ഥാനത്തിൽ വരും ദിവസങ്ങളിലും പ്രതിഷേധം ശക്‌തമാക്കുമെന്നും വ്യാപാരികൾ പറഞ്ഞു.
Read Also: കോഴിക്കോട് മെഡിക്കൽ കോളേജ്; ഐസിയു ഇല്ലാതെ കോവിഡ് വിഭാഗം
