മനാമ: കോഴിക്കോട് ജില്ലാ പ്രവാസി ഫോറം, ഷിഫ അൽ ജസീറ ഹോസ്പിറ്റലുമായി സഹകരിച്ച് രണ്ട് ദിവസങ്ങളിലായി നടത്തിയ സൗജന്യ മെഡിക്കൽ ചെക്കപ്പ് ക്യാംപ് സമാപിച്ചു. നാനൂറോളം പേർ വിവിധ ലാബ് പരിശോധനകൾ നടത്തി ക്യാംപ് പ്രയോജനപ്പെടുത്തി. സമാപന ദിവസമായ ഇന്നലെ ക്യാംപിൽ ലഭ്യമാക്കിയ മികച്ച പരിചരണത്തിന് ഷിഫ അൽ ജസീറ ഹോസ്പിറ്റലിലെ സ്റ്റാഫുകൾക്ക് സർട്ടിഫിക്കറ്റുകൾ കൈമാറി.
സമാപന ചടങ്ങിൽ ഹോസ്പിറ്റലിന്റെ മാതൃകപരമായ പ്രവർത്തനങ്ങളെ കെപിഎഫ് ഭാരവാഹികൾ പ്രകീർത്തിച്ചു. പ്രസിഡണ്ട് സുധീർ തിരുനിലത്ത്, ജനറൽ സെക്രട്ടറി ജയേഷ് വികെ, ട്രഷറർ റിഷാദ് വലിയകത്ത്, ക്യാംപ് കൺവീനർ ഹരീഷ് പികെ, ജമാൽ കുറ്റിക്കാട്ടിൽ, അഖിൽരാജ് താമരശ്ശേരി, സവിനേഷ്, ജിതേഷ് ടോപ് മോസ്റ്റ്, ഷാജി പുതുക്കുടി, സുജിത് സോമൻ, അഷ്റഫ് പടന്നയിൽ, സുധീഷ് ചാത്തോത്ത്, പ്രജിത് ചേവങ്ങാട്ട്, അഭിലാഷ് എംപി, രജീഷ് സികെ തുടങ്ങിയവർ ചേർന്ന് മെമെന്റോ കൈമാറി.
സക്കീർ, അനസ്, ഷെഹ്ഫാദ്, ഷാജി, നിയാസ് തുടങ്ങിയവരും ചടങ്ങിൽ പങ്കെടുത്തു. പരിശോധനാ ഫലങ്ങൾ ലഭ്യമാവുന്ന മുറക്ക് ആവശ്യമായവർക്ക് ഒക്ടോബർ 30 വരെ സൗജന്യമായി ഡോക്ടറെ കാണുവാനും, കൂടുതൽ വിവരങ്ങൾ അറിയുവാനും ക്യാംപിന്റെ ഭാഗമായി സൗകര്യം ഒരുക്കിയിട്ടുണ്ടെന്ന് കെപിഎഫ് ഭാരവാഹികൾ അറിയിച്ചു.
Read Also: ആഗോള പട്ടിണി സൂചികയിൽ ഗുരുതര പിഴവുകൾ; അപകീർത്തിപ്പെടുത്താൻ ശ്രമമെന്ന് കേന്ദ്രം