കോഴിക്കോട്: കെഎസ്ആർടിസി സ്വിഫ്റ്റ് ബസ് വീണ്ടും അപകടത്തിൽ പെട്ടു. കോഴിക്കോട് ജില്ലയിലെ താമരശേരി കൈതപൊയിലിൽ വച്ചാണ് അപകടം നടന്നത്. തിരുവനന്തപുരത്ത് നിന്നും മാനന്തവാടിയിലേക്ക് പോവുകയായിരുന്ന കെഎസ്ആർടിസി സ്വിഫ്റ്റ് ബസ് ലോറിയുമായി കൂട്ടിയിടിക്കുകയായിരുന്നു.
മുന്നിൽ പോവുകയായിരുന്ന ലോറി സഡൻ ബ്രേക്ക് ഇട്ടതിനെ തുടർന്ന് പിന്നിൽ സഞ്ചരിക്കുകയായിരുന്ന സ്വിഫ്റ്റ് ബസ് ലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ ബസിന്റെ മുൻഭാഗത്തെ ചില്ലും, ഡോറിന്റെ ഭാഗത്തും കേടുപാടുകൾ സംഭവിച്ചിട്ടുണ്ട്.
ബസിൽ സഞ്ചരിച്ചിരുന്ന യാത്രക്കാർക്ക് പരിക്കുകൾ ഉണ്ടായിട്ടില്ലെന്ന് അധികൃതർ വ്യക്തമാക്കിയിട്ടുണ്ട്. മുൻപും ഇതേ റൂട്ടിൽ ഓടിയ രണ്ട് ബസുകൾക്ക് സമാനമായ രീതിയിൽ കേടുപാടുകൾ സംഭവിച്ചിട്ടുണ്ട്.
Read also: സൂപ്പർ ഡീലക്സ് ബസിൽ ഡ്രൈവറുടെ പീഡനശ്രമം; പരാതിയുമായി വിദ്യാർഥിനി