മലപ്പുറം: ജില്ലയിലെ പൊന്നാനി മണ്ഡലം കോണ്‍ഗ്രസ്സ് കമ്മിറ്റിയുടെ നേതൃത്വത്തില്‍ ജലീലിന്റെ രാജി ആവശ്യപ്പെട്ട് പ്രതിഷേധ പ്രകടനവും ധര്‍ണ്ണയും നടത്തി. മതഗ്രന്ഥമായ ഖുര്‍ആന്റെ മറവില്‍ സ്വര്‍ണ്ണക്കടത്ത് നടത്തിയ കെ ടി ജലീലിന് മന്ത്രിയായി അധികാരത്തില്‍ തുടരാന്‍ അര്‍ഹതയില്ലെന്നും ഇനിയും അധികാരത്തില്‍ തുടര്‍ന്നാല്‍ കേസ് അട്ടിമറിക്കാന്‍ കാരണമാകുമെന്നും പ്രതിഷേധക്കാര്‍ പറഞ്ഞു.
മണ്ഡലം പ്രസിഡണ്ട് എം അബദുള്‍ ലത്തീഫ് അധ്യക്ഷത വഹിച്ചു. കെ പി സി സി നിര്‍വ്വാഹ സമിതി അംഗം സെയ്‌ത്‌ മുഹമ്മദ് തങ്ങള്‍ ധര്‍ണ്ണ ഉത്ഘാടനം ചെയ്‌തു. ഡി സി സി വൈസ് പ്രസിഡണ്ട് വി ചന്ദ്രവല്ലി, പൊന്നാനി ബ്ലോക്ക് വൈസ് പ്രസിഡണ്ട് പവിത്രകുമാര്‍ എന്നിവര്‍ പ്രസംഗിച്ചു. യു കാദര്‍കുട്ടി സ്വാഗതവും കൗണ്‍സിലര്‍ പി ഹസ്സന്‍ കോയ നന്ദിയും പറഞ്ഞു. കെ കേശവന്‍, എ വസുന്തരന്‍, അലി കാസിം, ബദര്‍ ചോനമ്പത്ത്, കബീര്‍ അഴിക്കല്‍, രാജ് കുമാര്‍ കുറ്റിക്കാട്, നാസര്‍, അനീഷ്, ഹബീബ് കൊല്ലന്‍പടി, ബക്കര്‍ മൂസ എന്നിവര്‍ പ്രതിഷേധ പ്രകടനത്തിന് നേതൃത്വം നല്‍കി
Ponnani News: ചിലവായത് 36 കോടിയോളം; മൂന്നുവര്‍ഷം കൊണ്ട് ബാക്കിയായത് വിള്ളലും, യാത്രാഭീതിയും
