കൊച്ചി: ചന്ദ്രിക കേസിൽ തെളിവുകള് കൈമാറാന് കെടി ജലീല് നാളെ ഇഡിക്ക് മുന്നില് ഹാജരാകും. ഇഡി നോട്ടീസ് അനുസരിച്ചാണ് ഹാജരാകുന്നതെന്ന് ജലീല് പറഞ്ഞു. ചന്ദ്രികയുടെ മറവില് കള്ളപ്പണം വെളുപ്പിച്ചെന്ന കേസില് ഏഴ് തെളിവുകള് നല്കുമെന്നും ജലീല് പറഞ്ഞു.
അതേസമയം കുഞ്ഞാലിക്കുട്ടിയെ വെട്ടിലാക്കാൻ എആർ നഗർ ബാങ്ക് ക്രമക്കേടിൽ ഇഡി അന്വേഷണം ആവശ്യപ്പെട്ട കെടി ജലീൽ പാര്ട്ടിയില് പൂർണമായും ഒറ്റപ്പെട്ട സ്ഥിതിയിലാണ്. ജലീലിന്റെ ഇഡി അനുകൂല നിലപാടിൽ സിപിഎമ്മിനുള്ളത് കടുത്ത അതൃപ്തിയാണ്.
കേന്ദ്ര ഏജൻസികൾക്ക് എതിരെ പാർട്ടി സമരമുഖം തുറക്കുമ്പോഴുള്ള ജലീലിന്റെ നീക്കങ്ങൾ ശരിയായില്ലെന്ന വിലയിരുത്തലിന്റെ അടിസ്ഥാനത്തില്, മുഖ്യമന്ത്രി പരസ്യമായി ജലീലിനെ തള്ളിയിരുന്നു.
Read Also: നടത്തിയത് കടുത്ത അച്ചടക്ക ലംഘനം; ‘ഹരിത’ കമ്മിറ്റി പിരിച്ചുവിട്ട് ലീഗ്