ലഖ്‌നൗ: യുപിയിലെ ലഖിംപൂര്‍ ഖേരിയിൽ കർഷകർ മരിച്ച സംഭവത്തിൽ കേന്ദ്രസർക്കാരിനെ രൂക്ഷമായി വിമർശിച്ച് സമാജ് വാദി പാര്‍ട്ടി നേതാവ് അഖിലേഷ് യാദവ്. കർഷകരെ ചവിട്ടിയരച്ച അക്രമികൾക്ക് ഭരണഘടന ചവിട്ടി മെതിക്കാനും കർഷകരെ തീവ്രവാദികളായി മുദ്രകുത്താനും മടിയുണ്ടാവില്ലെന്നും സഹറൻപൂരിൽ നടത്തിയ പൊതു സമ്മേളനത്തിൽ അഖിലേഷ് യാദവ് വിമർശിച്ചു.
നമ്മുടെ അന്നദാതാക്കളാണ് കർഷകർ. അവർ ഇന്ന് അപമാനിതരാകുകയാണ്. സമരത്തിൽ നിന്ന് പിൻമാറാത്ത കർഷകരുടെ ആത്‌മവിശ്വാസത്തെയും നിശ്‌ചയദാർഢ്യത്തെയും അഭിനന്ദിക്കുന്നു. കേന്ദ്രമന്ത്രി അജയ് മിശ്ര രാജിവെക്കണമെന്നും കുറ്റവാളികളെ സംരക്ഷിക്കുന്ന മനോഭാവത്തിൽ നിന്ന് യുപി സർക്കാർ പിൻമാറണമെന്നും അഖിലേഷ് യാദവ് ആവശ്യപ്പെട്ടു.
Read also: ‘ആധുനിക സ്‍ത്രീകള്‍ക്ക് വിവാഹത്തിനോ പ്രസവിക്കുന്നതിനോ താൽപര്യമില്ല’; കർണാടക ആരോഗ്യമന്ത്രി
